មនុស្សប្រហែល១៧លាននាក់បានតាមដានការផ្សាយរបស់ទូរទស្សន៍ ZDF ដើម្បីមើលប្រទេសរបស់ក្រុមជម្រើសជាតិអាឡឺម៉ង់ប្រកួតជាមួយអេស្ប៉ាញក្នុងការប្រកួតបាល់ទាត់ពិភពលោកកាលពីថ្ងៃអាទិត្យកន្លងទៅ ខណៈដែលមនុស្ស១៦.៦លាននាក់បានមើលការប្រកួតនៅក្នុងប្រទេសអេស្ប៉ាញ។ នេះបើយោងតាមទិន្នន័យពីក្រុមហ៊ុនវាស់ស្ទង់ទស្សនិកជន AGF និង Barlovento ។
កីឡាករ Niclas Fuellkrug របស់អាល្លឺម៉ង់បានរកគ្រាប់បាល់តាមស្មើ បន្ទាប់ពីខ្សែប្រយុទ្ធអេស្ប៉ាញ Alvaro Morata បានបើកការនាំមុខក្នុងការប្រកួតកាលពីថ្ងៃអាទិត្យដែលបានចាក់ផ្សាយនៅម៉ោង៨យប់ម៉ោងក្នុងស្រុកនៃប្រទេសទាំងពីរ។ លទ្ធផលស្មើ ១–១បានធ្វើឲ្យអាល្លឺម៉ង់ទទួលបាន១ពិន្ទុក្នុងពូល ខណៈអេស្ប៉ាញមាន៤ពិន្ទុក្នុងដៃ។
ការប្រកួតដំបូងរបស់ប្រទេសនៃការប្រកួតបាល់ទាត់ពិភពលោកឆ្នាំ២០២២ នៅថ្ងៃទី២៣ ខែវិច្ឆិកា ដែលជប៉ុនបានយកឈ្នះក្រុមម្ចាស់ជើងឯក៤សម័យកាលអាល្លឺម៉ង់ ២–១ ត្រូវបានទស្សនាដោយមនុស្ស៩.២លាននាក់នៅប្រទេសអាឡឺម៉ង់ ខណៈដែលការប្រកួតដំបូងរបស់អេស្ប៉ាញក្នុងជ័យជម្នះ ៧–០ ទល់នឹងកូស្តារីកាដែលចាក់ផ្សាយតាមទូរទស្សន៍ជាតិអេស្ប៉ាញ TVE និងទូរទស្សន៍ Gol Mundial របស់អេស្ប៉ាញបានទាក់ទាញអ្នកទស្សនា១០.៨លាននាក់។
ចំនួនប្រជាជនអេស្ប៉ាញ៤៧លាននាក់គឺតូចជាង៨៣លាននាក់របស់ប្រទេសអាល្លឺម៉ង់។ បច្ចុប្បន្នអេស្ប៉ាញឈរកំពូលតារាងពូល E ដោយមាន៤ពិន្ទុ ហើយត្រូវការត្រឹមស្មើក្នុងការប្រកួតចុងក្រោយរបស់ពួកគេទល់នឹងជប៉ុនដើម្បីឈានទៅវគ្គ១៦ក្រុម ៕ (រូបភាព ៖Reuters/CNA)
