ក្រុងប៉ោយប៉ែត៖ បុរស២ នាក់ត្រូវជនមិនស្គាល់អត្តសញ្ញាណទាញដាវសាំម៉ូរៃកាប់បណ្ដាលឲ្យរងរបួសធ្ងន់ សង្ស័យជម្លោះគ្រឿងញៀន ។
ហេតុការណ៍នេះបានកើតឡើងកាលពីវេលាម៉ោង១១យប់ ថ្ងៃទី២៩ ខែឧសភា ឆ្នាំ២០១៦ នៅចំណុចផ្សារមង្គល ស្ថិតនៅក្នុងភូមិប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
សមត្ថកិច្ចប្រាប់ថា ជនរងគ្រោះមាន ឈ្មោះ លាង លីហេង ភេទប្រុស អាយុ១៦ឆ្នាំ(រងរបួសដៃខាងឆ្វេង)ចំណែកជនរងគ្រោះម្នាក់ទៀតមាន ឈ្មោះ អូន ចិ ភេទប្រុស អាយុ២៥ឆ្នាំ(រងរបួសដៃឆ្វេង) អ្នកទាំងពីរស់នៅភូមិគីឡូម៉ែត៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។
ប្រភពបញ្ជាក់ថា កន្លងមកជនរងគ្រោះ និងជនសង្ស័យមានជម្លោះពាក្យសំដីនឹងគ្នាក្នុងករណីគ្រឿងញៀន លុះពេលកើតហេតុនោះ ជនរងគ្រោះទាំងពីអ្នកបានជិះម៉ូតូឌុបគ្នាចេញមកពីផ្កាយ៥សំដៅទៅកន្លែងផ្សេង លុះមកដល់ចំណុចកើតហេតុ ស្រាប់តែជនសង្ស័យមានគ្នាពីរនាក់បានស្ទាក់ផ្លូវទាញកាំបិតសាំរ៉ៃធ្វើសកម្មភាពកាប់បណ្តាលឲ្យជនរងគ្រោះទាំង២នាក់រងរបួសធ្ងន់ ហើយក្រោយពីធ្វើសកម្មភាពរួច ជនសង្ស័យបានជិះម៉ូតូគេចខ្លួនបាត់។
ជនរងគ្រោះត្រូវបានប្រជាពលរដ្ឋជួយសង្គ្រោះដឹកយកមកមន្ទីរពេទ្យបង្អែកដីថ្មីក្រុងប៉ោយប៉ែត ហើយជនជនសង្ស័យនៅពេលនេះ កំលាំង អាវុធហត្ថកុំពុងតែស្រាវជ្រាវដើម្បីឃាត់ខ្លួនមកចាត់ការតាមផ្លូវច្បាប់ ៕
ដោយ៖ វណ្ណា
