ពលរដ្ឋអីរ៉ាក់និងស៊ីរីកំពុងទទួលរងនៅអំពើហឹង្សាគ្រប់រូបភាពដោយសារតែសង្គ្រាមស៊ីវិល។ ពលរដ្ឋខ្លះបង្វំចិត្តភៀសខ្លួនទៅកាន់តំបន់មានសុវត្ថភាពប្រថុយនិងគ្រោះថ្នាក់គ្រប់បែបយ៉ាង។
ចាប់តាំងពីឆ្នាំ២០០៣ ដែលអាមេរិកលើកទ័ពវាយប្រហារផ្តួលរំលំរបបសាដាំហ៊ូសេន មកទល់ពេលនេះពលរដ្ឋអ៊ីរ៉ាក់រស់នៅមិនបានសុខសាន្តនោះឡើយ ដោយតែងតែរងនូវអំពើហិង្សាគ្រប់រូបភាព។ ពលរដ្ឋអ៊ីរ៉ាក់រស់នៅក្នុងភាពភ័យខ្លាចហើយពេលនេះ រស់នៅបានមួយថ្ងៃគិតមួយថ្ងៃ ។ ពេលនេះការកើតឡើងនៃក្រុមរដ្ឋអ៊ិស្លាមធ្វើឲ្យពលរដ្ឋអ៊ីរ៉ាក់កាន់តែវេទនាថែមទៀតការស្លាប់ស្ថិតនៅចំពោះមុខជានិច្ច ។
តាមរបាយការណ៍របស់អង្គការសហប្រជាជាតិស្តីពីចំនួនមនុស្សស្លាប់ក្នុងប្រទេសអ៊ីរ៉ាក់សម្រាប់ខែមករាកន្លងទៅនេះ ដោយមានមនុស្សរហូតដល់ ១,៣៧៥នាក់ និង ២,២៤០នាក់ទៀតរងរបួសនៅក្នុងសកម្មភាពភេរវកម្មព្រមទាំងអំពើហិង្សាផ្សេងៗ ។
លោក ស្ទេហ្វាន ឌូហ្សារីក អ្នកនាំពាក្យអង្គការសហប្រជាជាតិបានប្រកាសកាលថា «ចំនួនជនស៊ីវិលដែលបានស្លាប់ គឺ ៧៩០នាក់ហើយ សម្រាប់ជនស៊ីវិលរងរបួសវិញគឺ ១,៤៦៩នាក់។ ទីក្រុងបាកដាដជាកន្លែងដែលមានមនុស្សស្លាប់ច្រើនជាងគេដោយមានជនស៊ីវិលស្លាប់រហូតដល់ទៅ ១,០១៤នាក់សម្រាប់ពេញមួយខែមករា ដើមឆ្នាំ២០១៥»។
គួរបញ្ជាក់ថា សន្តិសុខនៅប្រទេសអ៊ីរ៉ាក់បានប្រែជាតានតឹងខ្លាំងឡើងវិញចាប់តាំងពីខែកក្កដា ឆ្នាំ២០១៤ មក ដោយសារតែពួកសកម្មប្រយុទ្ធរដ្ឋអ៊ិស្លាម ISIS បានចាប់ផ្តើមវាយសម្រុកមកលើកងកម្លាំងរដ្ឋាភិបាលអ៊ីរ៉ាក់ដែលការពារដោយកងកម្លាំងអាមេរិក និងសម្ពន្ធមិត្តជាហេតុនាំឲ្យមានការប្រយុទ្ធគ្នានៅតាមតំបន់សំខាន់ៗ៕
ប្រែសម្រួល៖ សាធី
