ភ្នំពេញ៖ កម្លាំងអធិការដ្ឋាននគរបាលខណ្ឌសែនសុខសហកាជាមួយកម្លាំងអន្តរាគមន៍ពិសេសរាជធានីភ្នំពេញចុះបង្ក្រាបអ្នកប្រើប្រាស់គ្រឿងញៀននិងឃាត់ខ្លួនមនុស្ស៥នាក់ និងថ្នាំញៀន១កញ្ចប់តូច។

ការចុះបង្ក្រាបនេះបានធ្វើឡើងកាលពីវេលាម៉ោង៥និង១០នាទីល្ងាចថ្ងៃទី៣១ ខែឧសភា ឆ្នាំ២០១៦ នៅចំណុចមុខមន្ទីពេទ្យព្រះកុសុមៈក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ។

យោងតាមការអនុវត្តន៍គោលនយោបាយរបស់រាជរដ្ឋាភិបាលភូមិឃុំមានសុវត្ថិភាពក្រោមការបញ្ជាពីលោក ម៉ក់ ហុង អធិការខណ្ឌសែនសុខ សហការជាមួយកម្លាំងអន្តរាគមន៍ពិសេសរាជធានីភ្នំពេញបានបើកយុទ្ធនាការចុះបង្ក្រាបនិងអ្នកប្រើប្រាស់គ្រឿងញៀនបានចំនួន៥នាក់ និងចាប់យកបានម៉ូូតូចំនួន2គ្រឿ និងថ្នាំញៀនមួយកញ្ចប់តូច។

ជនសង្ស័យដែលឃាត់ខ្លួនទី១-ឈ្មោះ សុខ នី អាយុ២៣ឆ្នាំ មុខរបរជាងដែក ស្នាក់នៅម្ដុំផ្សារដើមថ្កូវ ទី២-ឈ្មោះ សាន រ៉ាន់ អាយុ២៥ឆ្នាំ មុខរបរអ្នកដឹកអីវ៉ាន់ ស្នាក់នៅម្ដុំសំណង់១២ ទីី៣-ឈ្មោះ ប៊ុន ឈឿន អាយុ៣៧ឆ្នាំមុខរបរអ្នករត់កង់បី ស្នាក់នៅម្ដុំពោធិ៍ចិនតុង ទី៤-ឈ្មោះ ចាន់ ស្នា អាយុ២០ឆ្នាំ មុខរបរធ្វើសំណង់ ស្នាក់នៅម្ដុំទួលទំពួង និងទី៥-ឈ្មោះ អឿន ចំរើន អាយុ២២ឆ្នាំ មុខរបរសំណង់ ស្នាក់នៅម្ដុំស្តាតចាស់។

បច្ចុប្បន្នជនសង្ស័យទាំង៥នាក់រួមនិងវត្ថុតាងត្រូវបាននាំខ្លួនបញ្ជូនទៅកាន់អធិការដ្ឋានខណ្ឌសែនសុខដើម្បីឲ្យសមត្ថរកិច្ចជំនាញធ្វើតេសទឹកនោមរកសារធាតុញៀននិងកសាងសំណុំរឿងបញ្ជូនតុលាការចាត់ការតាមនីតិវិធី៕

ដោយ៖ តុង សីហា