ភ្នំពេញ៖ បុរសម្នាក់បេីករថយន្តស្ទូចលឿនពេកពេលមកដល់ចំណុចផ្លូវបំបែកក៏បួងចង្កូតជ្រុលទៅបុកចូលផ្ទះលក់គ្រឿងសមុទ្រនិងគ្រឿងក្រអូបបណ្តាលឱ្យរងការខូចខាតនិងបណ្តាលឱ្យបុរសម្នាក់រងរបួសធ្ងន់។
ហេតុការណ៍នេះបានកេីតឡេីងកាលពីវេលាម៉ោង៣និង៣០នាទីរសៀលថ្ងៃទី១៥ ខែធ្នូ ឆ្នាំ២០២២ នៅភូមិត្រពាំងក្រសាំងសង្កាត់បឹងធំ ខណ្ឌកំបូល។
តាមប្រភពព័ត៌មានបានឱ្យដឹងថា មុនពេលកេីតហេតុគេឃេីញបុរសម្នាក់បេីករថយន្តស្ទូចពណ៌លឿង ពាក់ស្លាកលេខភ្នំពេញ3C-1526 ធ្វេីដំណេីរតាមបណ្តោយផ្លូវបេតុងក្នុងទិសដៅពីជេីងទៅត្បូងក្នុងល្បឿនលឿន ខណៈមកដល់ចំណុចផ្លូវបំបែកជាបួនក៏បួងចង្កូតមកខាងឆ្វេងដៃជ្រុលទៅបុកចូលផ្ទះលក់គ្រឿងសមុទ្រនិងផ្ទះលក់គ្រឿងក្រអូបរងការខូចខាតយ៉ាងដំណំ រួមទាំងបុរសម្នាក់ដែលកំពុងអង្គុយលក់គ្រឿងសមុទ្ររងរបួសធ្ងន់។
ក្រោយកេីតហេតុប្រជាពលរដ្ឋបានឃាត់តៃកុងរថយន្តប្រគល់ជូនសមត្ថកិច្ចដើម្បីប្រគល់ជូនការិយាល័យចរាចរណ៍ផ្លូវគោកដោះស្រាយនៅពេលក្រោយ៕ដោយ៖សុខាសែនជ័យ
