ខេត្តកែប៖ ជនរងគ្រោះដែលបាត់បង់ជីវិតដោយការលើកទូកនេសាទត្រូវបានរកឃើញសាកសពហើយនៅយប់ថ្ងៃទី២៩ ខែធ្នូ ឆ្នាំ២០២២។
កាលពីយប់ឈានចូលថ្ងៃទី២៧ធ្នូ ត្រូវបានសមត្ថកិច្ចនគរបាលរកឃើញហើយ ក្រោយការរុករងអស់រយៈ ពេលជាច្រើនថ្ងៃមកនេះ។ មេបញ្ជាការគរបាលការពារព្រំដែនទឹកខេត្តកែប លោក សំរឹទ្ធិ ថាវរ៉ាត់ បានឲ្យដឹងថា សាកសពបុរសអ្នកនេសាទ ត្រូវបានរកឃើញនៅល្ងាចថ្ងៃទី២៩ខែធ្នូ ឆ្នាំ២០២២ វេលាម៉ោង៦និង២០នាទី ដែលស្ថិតនៅចំណុចក្បែរកោះពោធិ៍នៃភូមិសាស្ត្រខេត្តកែប។
លោកសឹម ហ៊ីម ប្រធានសហគមន៍នេសាទត្រពាំងសង្កែ ប្រាប់ថា កាលពីពាក់កណ្តាលយប់ឈានចូលថ្ងៃទី២៧ ខែធ្នូ ទូកអូសមងកេវ១គ្រឿងរបស់អ្នកនេសាទមកពីឃុំត្រពាំងព្រីងស្រុកទឹកឈូបានលិចត្រង់ចំណុចក្បែរកោះ ទន្សាយ។ លុះមកដល់ព្រឹកថ្ងៃទី២៧ ខែធ្នូ កម្លាំងកង ទ័ពជើងទឹកព្រមទាំងសមត្ថកិច្ចនគរបាលការពារព្រំដែន ទឹកខេត្តកែប សហការជាមួយប្រជានេសាទសហគមន៍ បានតាមរកឃើញទូក និងសង្គ្រោះបុរស៤នាក់ក្នុង ចំណោមប្រាំនាក់ រួចនាំមកដីគោក។
គួរបញ្ជាក់ថា ហេតុការណ៍លិចទូកនេសាទនេះបានកើត ឡើងវេលា យប់ឈានចូលថ្ងៃទី២៧ធ្នូ គ្រាដែលទូកនេសាទនាពេលនោះ បានព័ទ្ធមងប៉ះចំហ្វូងត្រីដែលមានចំនួនច្រើនធ្វើឱ្យទូមិនអាចទ្រទ្រង់នឹងទម្ងន់ផលនេសាទនោះបាន។ ក្នុងនោះមានមនុស្ស៤នាក់ត្រូវបានគេជួយសង្គ្រោះចំណែក ម្នាក់ទៀតឈ្មោះហ៊ុយ បានបាត់ខ្លួននៅក្នុងទឹក ។
ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តកែប លោក ថឹង បូរិនបានថ្លែងថា ទូកដែលលិចនោះមិនមែនដោយតែឧបទ្ទវហេតុនោះទេ ប៉ុន្តែក្នុងពេលកំពុងធ្វើនេសាទនោះ ស្រាប់តែបានប៉ះចំហ្វូងត្រីជាច្រើន។ លោកបញ្ជាក់ថា ក្រុមអ្នកនេសាទព្យាយាមទាញយកផលត្រីដែលជាប់ក្នុងមងនោះ ប៉ុន្តែទូកមិនអាចទ្រទម្ងន់ត្រីទាំង នោះបានជាហេតុធ្វើអោយមានហេតុការណ៍លិចទូកនេះកើតឡើងតែម្តង៕
ដោយ៖ សូរិយា
