ខេត្តព្រះសីហនុ : អង្គភាព កងរាជអាវុធហត្ថខេត្តព្រះសីហនុ នៅព្រលប់ថ្ងៃទី១ ខែមករា ឆ្នាំ២០២៣នេះ បានបញ្ជាក់អោយដឹងថា នៅវេលាម៉ោង២៣:៣០នាទីយប់ ថ្ងៃទី២៩ ខែធ្នូ ឆ្នាំ២០២២ លោកវរសេនីយ៍ត្រី អ៊ុក ពិសិដ្ឋ មេបញ្ជាការមូលដ្ឋានកងរាជអាវុធហត្ថក្រុងព្រះសីហនុបានដឹកនាំកម្លាំងជំនាញឃាត់ខ្លួនមុខសញ្ញាគាស់ផ្ទះយ៉ាងសកម្មនៅចំណុចបូរី ឆឹង សុខា ស្ថិតក្នុងក្រុមទី១៧ ភូមិ១ សង្កាត់លេខ១ ក្រុងព្រះសីហនុ តាមបណ្តោយផ្លូវជាតិលេខ៤ ពេលកំពុងធ្វើសកម្មភាពលួចគាស់ផ្ទះប្រជាពលរដ្ឋចូលកាត់យកខ្សែភ្លើង។

    សមត្ថកិច្ចបានបញ្ជាក់ថា ជនសង្ស័យឈ្មោះ ប៊ូ សំរិត ភេទប្រុស អាយុ៣៤ឆ្នាំ ជនជាតិខ្មែរ មុខរបរមិនពិតប្រាកដ។

សមត្ថកិច្ចកងរាជអាវុធហត្ថបានបន្តថា បច្ចុប្បន្នជនសង្ស័យរួមនឹងវត្ថុតាងត្រូវបានបញ្ជូនមកកាន់ទីបញ្ជាការកងរាជអាវុធហត្ថខេត្តព្រះសីហនុ ដើម្បីអនុវត្តនីតិវិធីបន្ត ៕ដោយ : សហការី