ភ្នំពេញ៖ ជនសង្ស័យម្នាក់ក្នុងចំណោម២នាក់ដែលជាមុខសញ្ញាគាស់ផ្ទះលួចម៉ូតូយ៉ាងសកម្ម ត្រូវកម្លាំងនគរបាលខណ្ឌ៧មករា ឃាត់ខ្លួនករណីលួចម៉ូតូបានតាំងពីយប់ប្រហែលម៉ោង១២កណ្ដាលអាធ្រាត យកមកលាក់ទុកនៅម្ដុំដីវាលក្រោយបុរីកីឡានៅផ្លូវបេតុង ចំណុចរថយន្តក្រុងក្បែរសាលាខណ្ឌ៧មករា ក្នុងសង្កាត់វាលវង់ ខណ្ឌ៧មករា រាជធានីភ្នំពេញ។

ប្រភពពីសមត្ថកិច្ចឲ្យដឹងថា ខណៈកម្លាំងល្បាតក្នុងមូលដ្ឋានប្រទះឃើញម៉ូតូ១គ្រឿងទុកចោលក៏សង្ស័យ ហើយក៏យកម៉ូតូទៅរក្សារទុកនៅប៉ុស្តិ៍រដ្ឋបាលវាលវង់ លុះព្រឹកព្រលឹមម៉ោង៦និង១៥នាទីថ្ងៃទី៤ ខែមិថុនា ឆ្នាំ២០១៦ ជនសង្ស័យមកយកម៉ូតូដែលលួចបានលាក់ទុកនោះកម្លាំងនគរបាលឃ្លាំមើលនៅចំណុចនោះឃាត់ខ្លួនបានម្នាក់និងម្នាក់ទៀតគេចខ្លួនតែម្ដង។

ប្រភពបន្តថា ជនសង្ស័យឈ្មោះ រ៉ា ឆាន់ ភេទប្រុស អាយុ៣៣ឆ្នាំ មុខរបរកម្មករនៅផ្សារនាគមាស ត្រូវឃាត់ខ្លួនជាក់ស្តែងពេលមកយកម៉ូតូម៉ាកឌ្រីមសង់ សេ១២៥ សេរី២០១១ ពណ៌ខ្មៅ ស្លាកលេខ ភ្នំពេញ 1BA-4898 និងជនសង្ស័យម្នាក់ទៀតរត់បាត់មានឈ្មោះ ដិន ឡេ ភេទប្រុស អាយុ៣៥ឆ្នាំ មុខរបរមិនពិតប្រាកដ ស្នាក់នៅម្តុំបឹងសាឡាង សង្កាត់បឹងសាឡាង ខណ្ឌទួលគោក រាជធានីភ្នំពេញ។
ប្រភពបន្តទៀតថា នៅមុនពេលកើតហេតុក្រុមជនសង្ស័យមានគ្នាចំនួន២នាក់មកលួចម៉ូតូនៅក្បែរផ្ទះសំណាក់សាលាខណ្ឌ៧មករា ពេលជនរងគ្រោះចេញមកយកម៉ូតូស្រាប់តែបាត់ខណៈនោះជនរងគ្រោះបានទៅដាក់ពាក្យបណ្ដឹងនៅប៉ុស្តិ៍រដ្ឋបាលវាលវង់រួចបានបន្តិចក៏ត្រូវបានកម្លាំងល្បាតក្នុងមូលដ្ឋានយកម៉ូតូមកប៉ុស្តិ៍ពេលនោះម្ចាស់ម៉ូតូស្គាល់ថា ជាម៉ូតូរបស់គាត់ដែលបាត់។ ហើយក៏យកទៅលាក់ទុកក្បែរចំណតរថយន្តក្រុងម្ដុំបុរីឡាក្នុងដីឡូដ៏ដែលមានស្មៅនិងដើមត្រែងរហូតដល់ម៉ោង៦ព្រឹកក៏ត្រឡប់មកយកវិញត្រូវបានកម្លាំងនរគបាលរង់ចាំជាស្រេចចាប់ក្របួចបានម្នាក់និងម្នាក់ជាអ្នកធ្វើសកម្មភាពរត់គេចខ្លួនធម្មតាដោយដឹងថាអ្នកទៅយកត្រូវកម្លាំងនរគបាលសម្ងាត់ចាប់បានហើយ។

បច្ចយប្បន្នជនសង្ស័យត្រូវបាននរគបាលយកមកសួរនាំនៅប៉ុស្តិ៍រដ្ឋបាលវាលវង់និងបញ្ជូនទៅឃុំខ្លួនបណ្តោះអាសន្ននៅអធិការដ្នាននរគបាលខណ្ឌ៧មករា ដើម្បីចាត់ការតាមនីតិវិធី៕

ដោយ៖ សរស្មី