ភ្នំពេញ ៖ អគ្គិភ័យបានឆាបឆេះរថយន្តដឹកដីយ៉ាងសន្ធោសន្ធៅ បង្កការភ្ញាក់ផ្អេីលដល់និងអាជ្ញាធរមូលដ្ឋានទាក់ទងទៅក្រុមរថយន្តពន្លត់អគ្គិភ័យចុះមកធ្វើអន្តរាគមន៍ កាលពីវេលាម៉ោង១២និង១០នាទីរំលងអធ្រាត្រឈានចូលថ្ងៃទី១២ ខែមករា ឆ្នាំ២០២៣ នៅចំណុចចំណតឡានដឹកដីមួយកន្លែង ជិតស្ថានីយបូមទឹកបឹងទំពុន ផ្លូវលេខ៣៧១ សង្កាត់បឹងទំពុន២ ខណ្ឌមានជ័យ រាជធានីភ្នំពេញ។
តាមប្រភពព័ត៌មានពីក្រុមតៃកុងរថយន្តដឹកដីបានឱ្យដឹងថា មុនពេលកេីតហេតុខណៈដែលចប់ម៉ោងការងារពួកគេបានបេីកយករថយន្តមកចតឈប់សម្រាកនៅទីតាំងខាងលេីជារៀងរាល់ថ្ងៃ លុះមកដល់វេលាកេីតហេតុខាងលេីក៏ឃេីញមានផ្សែងហុយចេញពីក្បាលរថយន្តបង្កជា
អណ្តាតភ្លេីងឆាបឆេះយ៉ាងសន្ធោសន្ធៅ
ទេីបនាំគ្នាដងទឹកមកជះពន្លត់ តែមិនអាចគ្រប់គ្រងបានទេីបរាយការណ៍ទៅសមត្ថកិច្ចទាក់ទងទៅក្រុមរថយន្តពន្លត់និងបង្ការគ្រោះអគ្គិភ័យចេញរថយន្តពន្លត់អគ្គិភ័យជាច្រើនគ្រឿងមកបាញ់ទឹកពន្លត់។
ជំុវិញករណីគ្រោះអគ្គិភ័យខាងលេីនេះរងការខូចខាតរថយន្តដឹកដីអស់ចំនួន២គ្រឿងនិងមិនមានមនុស្សរងរបួសនោះទេ៕ 
ដោយ៖សុខាសែនជ័យ
