ភ្នំពេញ៖ បុរសម្នាក់ជិះម៉ូតូស៊េរីទំនើប ម៉ាកDuke បោះពួយលឿនជ្រុល ទៅធ្លាក់ក្នុងទឹកត្រពាំង សំណាងល្អពលរដ្ឋឃើញទាន់ ជួយស្រង់ឡើងគោកតែរងរបួសធ្ងន់ ។
ហេតុការណ៍នេះបានកើតឡើលកាលពីវេលាម៉ោង៨និង៥០នាទីយប់ ថ្ងៃទី០៦ ខែមិថុនា ឆ្នាំ២០១៦ ស្ថិតនៅ ត្រពាំងទឹក មួយកន្លែង តាមផ្លូវបេតុង ជាប់ព្រះវិហារយេសូ៊ ក្នុងភូមិក្រាំងដូនទៃ សង្កាត់ចោមចៅ ខណ្ឌពោធិ៍សែនជ័យ ។
ជនរងគ្រោះក្នុងស្ថានភាពស្រវឹងជោកជាំ ជិះម៉ូតូមួយគ្រឿង ម៉ាក Duck ពាក់ស្លាក់លេខ ភ្នំពេញ 1CE-7978 បើកម៉ូតូ បោះពួយល្បឿនលឿន ក្នុងទិសដៅពីកើតទៅលិច លុះដល់ចំណុចខាងលើ មិនអាចគ្រប់គ្រងដៃចង្កូតបាន ក៏រេចង្កូតជ្រុលទៅឆ្វេងដៃ ធ្លាក់ចូលទៅក្នុងទឹកត្រពាំង ទាំងម៉ូតូទាំងមនុស្ស ។ ក្រោយកើតហេតុភ្លាមៗ ត្រូវបានបងប្អូនប្រជាពលរដ្ឋក្បែរនោះឃើញហេតុការណ៍ បាននាំគ្នាទីជួយស្រង់ជួយលើកឡើងគោក ។
ជនរងគ្រោះរងរបួសធ្ងន់ក្រោយកើតហេតុ ត្រូវបានរថយន្តសង្រ្គោះរបស់អង្គភាព៧១១ ដឹកបញ្ជូនទៅមន្ទីរពេទ្យព្រះកុសុមៈ ។
ដោយឡែកម៉ូតូជនរងគ្រោះ ត្រូវបាន សមត្ថកិច្ចនាំយកទៅរក្សាទុកនៅប៉ុស្តិ៍ចោមចៅ រងចាំម្ចាស់មកទទួលយកទៅវិញ ៕
ដោយ៖ សុខាសែនជ័យ
