រដ្ឋបាលចំណីអាហារនិងឱសថអាមេរិក (FDA) កាលពីថ្ងៃទី២៣ ខែមករា បានស្នើសុំការចាក់វ៉ាក់សាំងកូវីដ-១៩ បន្ថែមទៀតជារៀងរាល់ឆ្នាំសម្រាប់មនុស្សពេញវ័យដែលមានសុខភាពល្អ ស្រដៀងទៅនឹងយុទ្ធនាការចាក់វ៉ាក់សាំងប្រឆាំងនឹងជំងឺគ្រុនផ្តាសាយតាមរដូវនៅក្នុងប្រទេសនេះ។

សារព័ត៌មានរ៉យទ័រ បានដកស្រង់ឯកសារដែលបានធ្វើបទបង្ហាញនៅមុនកិច្ចប្រជុំគណៈកម្មាធិការកាលពីថ្ងៃទី ២៣ ខែមករា ដែលបាននិយាយថា និយតករសុខភាពអាមេរិកបានស្នើនូវតម្រូវការសម្រាប់ការជ្រើសរើសជាប្រចាំឆ្នាំ ដើម្បីធ្វើបច្ចុប្បន្នភាពវ៉ាក់សាំងកូវីដ-១៩ ដែលស្រដៀងទៅនឹងរបៀបដែលប្រភេទវ៉ាក់សាំងផ្តាសាយមានការផ្លាស់ប្តូរជារៀងរាល់ឆ្នាំ។
FDA ក៏បានស្នើដល់ក្រុមប្រឹក្សាខាងក្រៅ ដើម្បីពិចារណាលើការប្រើប្រាស់វ៉ាក់សាំង Covid-19 ចំនួនពីរដងក្នុងមួយឆ្នាំសម្រាប់កុមារតូចៗ មនុស្សចាស់ និងមនុស្សដែលមានភាពស៊ាំចុះខ្សោយ។ ទីភ្នាក់ងារនេះសង្ឃឹមថា ការចាក់វ៉ាក់សាំងជាប្រចាំប្រឆាំងនឹង Covid-19 អាចរួមចំណែកដល់ការដាក់ពង្រាយវ៉ាក់សាំងដែលមិនសូវស្មុគស្មាញ ហើយមានកំហុសតិចជាងមុនក្នុងការគ្រប់គ្រងវ៉ាក់សាំង ដែលនាំទៅដល់ការគ្របដណ្តប់លើវ៉ាក់សាំងមានភាពប្រសើរឡើង។
រដ្ឋបាលរបស់ប្រធានាធិបតី Joe Biden ក៏បានរៀបចំផែនការយុទ្ធនាការមួយដើម្បីបង្កើនវ៉ាក់សាំងរៀងរាល់រដូវស្លឹកឈើជ្រុះ។ បច្ចុប្បន្ននេះ មនុស្សភាគច្រើននៅសហរដ្ឋអាមេរិកត្រូវចាក់វ៉ាក់សាំងដំបូងចំនួនពីរនៃវ៉ាក់សាំង Covid-19 យ៉ាងតិចពី 3 ទៅ 4 សប្តាហ៍ អាស្រ័យលើវ៉ាក់សាំង ហើយបន្ទាប់មកចាក់ថ្នាំរំឭកពីរបីខែក្រោយមក។
ប្រសិនបើក្រុមប្រឹក្សាភិបាលបោះឆ្នោតគាំទ្រសំណើរបស់ FDA នោះវ៉ាក់សាំង Covid-19 ពីរគឺ Pfizer និង Moderna នឹងត្រូវបានប្រើជាវិធានការរយៈពេលវែងជាជាងគ្រាន់តែជាថ្នាំដែលត្រូវបានកែលម្អដូចសព្វថ្ងៃនេះ៕ ដោយធីរីណា