ភ្នំពេញៈ មិនមែនមានត្រឹមតែចំនួនអ្នកគាំទ្រជិត៦មឺុននាក់នៅពហុកីឡដ្ឋានជាតិអូឡាំពិកប៉ុណ្ណោះទេ គឺមានជនរួមជាតិរាប់សែនលាននាក់បានតាមដានទស្សនាការផ្សាយបន្តផ្ទាល់ពីទូរទស្សន៍BTV នៅតាមគេហដ្ឋាន ក្រុមហ៊ុន ទីសាធារណៈ ទូទាំងរាជធានី-ខេត្តគឺសុទ្ធតែបានសំដែងនូវការរំភើបរីករាយ នឹងសូមអបអរសាទរ! កម្ពុជាយើងមានឱកាសឡើងទៅលេងពានរង្វាន់ AFC ASIAN CUP ២០១៩ ជុំទី៣បន្តទៀត បន្ទាប់ពី កម្ពុជាឈ្នះ ២-០(៤-២) ឆយនីសតៃបិុ ដោយការតែតនិងស៊ុតបញ្ចូលទីពីកីឡាករ ហុង ផេង នានាទី៧ និងកីឡាករ ប្រាក់ មុន្នីឧត្តម នានាទី៦០។
ភាពរីកចម្រើនលូតលាស់កីឡាករបាល់ទាត់កម្ពុជា ពិតជាធ្វើអោយអន្តរជាតិទទួលស្គាល់ គឺអាស្រ័យដោយការខិតខំយកចិត្តទុកដាក់ខ្ពស់ពីសហព័ន្ធបាល់ទាត់កម្ពុជា ស្របពេលប្រទេសជាតិមានសុខសន្តិភាព រីកចម្រើន ដ៏ពេញលេញ។
គ្រប់ទីកន្លែងសន្ទុះទឹកចិត្តពីបងប្អូនជនរួមជាតិបានគាំទ្រកីឡា យ៉ាងខ្លាំងក្លាបំផុត រហូតដល់ពួកធ្វើការបន់ស្រន់តាមជំនឿសាសនា សែនជាមាន់ស្ងោ អោយកីឡាករបាល់ទាត់កម្ពុជាឈ្នះ ហើយទីបំផុតទទួលជោគជ័យដូចបំណង ខណះកីឡាករយើងពោពេញដោយសមត្ថភាព បច្ចេកទេស កម្លាំង ការអត់ធ្មត់ អំណត់ ហ្វឹកហាត់បានគ្រប់គ្រាន់។
តាមរយះជ័យជំនះនេះ សម្តេចតេជោ និងសម្តេចកិត្តិព្រឹទ្ធបណ្ឌិត ក៏បានផ្តល់ជាថវិកាចំនួន៣៣០០០ដុល្លារ ដល់កីឡាករនិងគ្រូបង្វិកជាការលើកទឹកចិត្ត ហើយសម្តេចតេជោ និងសម្តេចកិត្តិព្រឹទ្ធបណ្ឌិត តែងតែបានផ្តល់បែបនេះរៀងរាល់ការប្រកួតផងដែរ៕
ដោយ សុខ ខេមរា
