ដឹកឆ្កែដើរលេង រកបានប្រាក់ចំណូលដល់ទៅ ១២០ពាន់ដុល្លារក្នុងមួយឆ្នាំ

ចែករំលែក៖

លោក Michael Josephs បានបោះបង់អាជីពជាគ្រូបង្រៀន ដោយបង្វែរទៅធ្វើការងារដឹកឆ្កែដើរលេង។ ការងារនេះបានជួយឱ្យលោករកបានប្រាក់ចំណូលដល់ទៅ ១២០ពាន់ដុល្លារក្នុងមួយឆ្នាំ គឺច្រើនជាងប្រាក់ខែគ្រូបង្រៀនដល់ទៅ៣ដង ។

លោក Michael Josephs រកបានប្រាក់ចំណូលមិនដល់ ៤០ពាន់ដុល្លារផងក្នុងមួយឆ្នាំ ក្នុងការងារជាគ្រូបង្រៀន ។ ប៉ុន្តែក្នុងពេលដែលលោកប្តូរការងារទៅធ្វើអ្វីដែលលោកចូលចិត្តនោះ គឺដឹកឆ្កែដើរលេង ជួយឱ្យគាត់រកបានប្រាក់ចំណូលដល់ទៅ១២០ពាន់ដុល្លារក្នុងមួយឆ្នាំ ។
ការងារថ្មីនេះបានជួយបុរសអាយុ ៣៤ឆ្នាំទិញផ្ទះនៅឯ Middletown រដ្ឋ New Jersey ជាកន្លែងដែលគាត់រស់នៅ និងទិញឡានថ្មី។ Josephs ក៏អាចនាំគ្រួសារទៅ Disney World ហើយបានកំណត់ទុក $10,000 សម្រាប់មូលនិធិមហាវិទ្យាល័យសម្រាប់កុមារអាយុ១៨ខែរបស់គត់។
នៅដើមឆ្នាំ 2019 ចូសែបបានចាប់ផ្តើមដឹកឆ្កែដើរលេង ជាការងារបន្ទាប់បន្សំដើម្បីរកប្រាក់ចំណូលបន្ថែម។ ការងារសំខាន់របស់គាត់នៅពេលនោះគឺជាគ្រូបង្រៀននៅសាលាឯកជនមួយ ដោយទទួលបានប្រាក់ខែប្រហែល 38.000 ដុល្លារ/ឆ្នាំ។
Josephs រីករាយក្នុងការដើរក្នុងសួនជាមួយឆ្កែចិញ្ចឹមរបស់គាត់ឈ្មោះ Willy ។ ម្ចាស់សត្វចិញ្ចឹមផ្សេងទៀតតែងតែសរសើរ Willy ថាចេះស្តាប់បង្គាប់និងឆ្លាត។ បន្ទាប់មក មនុស្សមួយចំនួនចាប់ផ្ដើមសួរថា តើពួកគេអាចជួល Josephs ដឹកឆ្កែរបស់ពួកគេបានឬទេ? បុរសនោះយល់ព្រម។
ដោយដឹងថាការងារនោះនាំមកនូវប្រាក់ចំណូលល្អ មិនយូរប៉ុន្មាន Josephs បានសម្រេចចិត្តឈប់បង្រៀន ហើយផ្តោតលើការដឹកឆ្កែដើរលេង ជាការងារអាជីពតែម្តង។នៅខែកក្កដាឆ្នាំ 2019 គាត់បានបង្កើតក្រុមហ៊ុនផ្ទាល់ខ្លួនរបស់គាត់ជាផ្លូវការគឺ Parkside Pups ។ នៅចុងឆ្នាំគាត់រកបាន ៣៥.០០០ ដុល្លារ ហើយមានអតិថិជនធម្មតារាប់សិបនាក់ដែលបង់ប្រាក់ 20 ដុល្លារសម្រាប់ការដើររយៈពេល30 នាទី។
កាលពីឆ្នាំមុន គាត់រកបាន 120.000ដុល្លារ។ Josephs ចែករំលែកថា “ខ្ញុំភ្ញាក់ផ្អើលជាមួយនឹងជីវិតបច្ចុប្បន្នរបស់ខ្ញុំនៅពេលខ្ញុំក្លាយជាម្ចាស់អាជីវកម្ម”។
អាជីវកម្មរបស់Josephsបានជាប់គាំងនៅពេលដែលជំងឺរាតត្បាតរាតនៅឆ្នាំ 2020 ប៉ុន្តែត្រូវបានកើនឡើងយ៉ាងឆាប់រហ័សនៅពេលដែលអ្នករស់នៅទីក្រុងញូវយ៉កត្រឡប់ទៅការិយាល័យវិញ។
កាលពីឆ្នាំមុន Josephs បានសម្រេចចិត្តពង្រីកអាជីវកម្ម បង្កើតកម្មវិធី និងជួលបុគ្គលិកបន្ថែមទៀត។
បច្ចុប្បន្នលោកមានបុគ្គលិកពេញម៉ោងចំនួន៥នាក់ ព្រមទាំងបុគ្គលិកជាច្រើននាក់ដើម្បីបម្រើអតិថិជនរាប់សិបនាក់។ អាជីវកម្មនេះលាតសន្ធឹងលើទីក្រុង Brooklyn និង Manhattan ហើយនឹងមានវត្តមានក្នុងពេលឆាប់ៗនេះនៅក្នុងតំបន់នៃរដ្ឋ New Jersey ដូចជា Red Bank និង Middletown ។
សេវាកម្មដែលផ្តល់ជូនរួមមានការការដឹកឆ្កែដើរលេង (25-30 ដុល្លារក្នុងមួយម៉ោង) ការបណ្តុះបណ្តាលសត្វឆ្កែ (60 ដុល្លារក្នុងមួយម៉ោង) និងការថែទាំសត្វឆ្កែពេញមួយយប់ (65 ដុល្លារ/ថ្ងៃ)៕ដោយធីរីណា