ភ្នំពេញ៖ បុរស៣នាក់ដែលជាមិត្តភក្តិគ្នា បបួលគ្នាចូលច្រៀងខារ៉ាអូខេ សំនៀងរាត្រី អស់ស្រាបៀរចំនួន១កេសចិត្តរាងសឿង ទៅលូកលាន់នារីខារ៉ាអូរខេ ត្រូវនាងៗ ស្តីបន្ទោសឲ្យខឹងចិត្តវាយទៅលើនាងៗ បង្កឲ្យមានការភ្ញាក់ផ្អើលនៅវេលាម៉ោង ១០យប់ ថ្ងៃទី៩ ខែមិថុនា ឆ្នាំ២០១៦ នៅក្នុងហាងខារ៉ាអូខេ យីហោ សំនៀងរាត្រី ស្ថិតនៅតាមបណ្តោយផ្លូវ វេងស្រេង សង្កាត់ចោមចៅ ខណ្ឌពោធិ៍សែនជ័យ ។

បុរសទាំង៣នាក់នោះទី១មានឈ្មោះ សេង សាវឿន អាយុ២៨ឆ្នាំ មុខរបរជាងភ្លើង ស្នាក់នៅភូមិជម្ពូវ័ន្ត សង្កាត់ចោមចៅ ទី២មានឈ្មោះ ស សៀត អាយុ៣០ឆ្នាំ មុខរបរកម្មករសំណង់ ស្នាក់នៅភូមិទួលសង្កែ សង្កាត់ទួលសង្កែ ខណ្ឌទួលសង្កែ ខណ្ឌឫស្សីកែវ
ទី៣មានឈ្មោះ អីុម ពៅ អាយុ២៧ ឆ្នាំ មុខរបរសំណង់ ស្នាក់នៅភូមិតាងួនសង្កាត់កាកាប ខណ្ឌពោធិ៍សែនជ័យ ។ ដោយឡែកមេការស្រីម្នាក់និងអ្នកយាមម៉ូតូម្នាក់ដែលសមត្ថកិច្ចឃាត់ខ្លួនមកដែរនោះ ទី១មានឈ្មោះ ប៊ុន ណាក់ អាយុ ភេទប្រុស អាយុ២០ឆ្នាំ អ្នកយាមម៉ូតូ និងទី២ សុខ ម៉េងហេង អាយុ២៨ ភេទស្រី ជាមេការខារ៉ាអូខេ ទាំង២នាក់បុគ្គលិកហាង សំនៀងរាត្រី ។

តាមប្រភពពីក្នុងហាងបានឲ្យដឹងថា នៅមុនពេលកើតហេតុមានបុរសមួយក្រុមមានគ្នា៣ បានចូលច្រៀងតាំងពីម៉ោងប្រហែង៨យប់ តែបុរសទាំង៣នាក់នោះមិនដឹងផឹកមកពីណាម្នាក់ៗរាងស្រវឹតបន្តិចទៅហើយ លុះដល់ពេលច្រៀងនិងផឹកស្រាបៀរអស់ជិតមួយកេស បន្ថែមការស្រវឹងកាន់តែខ្លាំង កាន់តែហ៊ាន លូកលាន់និងស្ទាបនាងៗ តែនាងៗប្រកែក និងស្តីបន្ទោសឲ្យ  ធ្វើអោយបុរសទាំងនោះ ខឹងរករឿង ថាសេវាកម្មមិនល្អ ថែមទាំងវាយស្រីម្នាក់ហើមមុខ ហើយក្រុមបុរសទាំង៣នាក់ បាននាំគ្នា រត់ចេញមកក្រៅ យកម៉ូតូចេញ តែត្រូវអ្នកយាមម៉ូតូឃាត់និងបិទទ្វារហាង បំណងឲ្យបុរសទាំង៣នាក់ទទួលខុសត្រូវ តែត្រូវបុរសទាំង៣នាក់ រករឿងប្រតាយប្រតប់ ឈានដល់ហិង្សា មេការស្រីម្នាក់ និងអ្នកយាមម៉ូតូ យកកូនសោចាកម៉ូតូវាយទៅលើបុរសម្នាក់បណ្តាលឲ្យបែកក្បាល ដោយសារបុរសទាំង៣នាក់ស្រវឹងគ្មានកំលាំងតបតវិញ។

ក្រោយពេលកើតហេតុ ម្ចាស់ហាងបានហៅសមត្ថកិច្ចមកអន្តរាគមន៍ លុះពេលសមត្ថកិច្ចមកដល់សួរនាំសម្រួលគ្នា តែនិយាយមិនត្រូវគ្នា ទើបឃាត់ ភាគីទាំងសងខាងមកជំនាញព្រហ្មទណ្ឌខណ្ឌពោធិ៍សែនជ័យ ដើម្បីដោះស្រាយគ្នាដោយខាងជនបង្កសងទៅខាងនារីមេការខារ៉ាអូខេ ចំនួន៣០ម៉ឺនរៀន និងទូរទាត់ថ្លៃខារ៉ាអូខេដើម្បីបញ្ចប់រឿង៕

ដោយ៖ សុខាសែនជ័យ