ខេត្តតាកែវ៖ ដើម្បីបំពេញនូវតម្រូវការទឹកស្រោចស្រព ជូនដល់បងប្អូនប្រជាកសិករក្នុងឃុំអង្គប្រាសាទ ស្រុកគិរីវង់ ខេត្តតាកែវ ប្រឡាយ១ខ្សែ ត្រូវបានមន្ទីរធនធានទឹក និងឧតុនិយមខេត្តតាកែវ បើកការដ្ឋានស្តារឡើងវិញប្រវែង ៣.០០០ ម៉ែត្រ រួមជាមួយនឹងការសាងសង់សំណង់សិល្បការមួយចំនួនទៀត កាលពីថ្ងៃទី៣ ខែមិថុនា ឆ្នាំ២០១៦ ។

ក្រោយពេលស្តាររួចនៅអំឡុងចុងខែកក្កដា ឆ្នាំ២០១៦ខាងមុខ តាមរយៈការទាញយកទឹកពីស្ទឹងតាកែវ ប្រឡាយមួយខ្សែនេះ នឹងផ្តល់ទឹកសម្រាប់បម្រើឱ្យការស្រោចស្រពលើផ្ទៃដីស្រូវប្រាំង ចំនួន ១.៥០០ ហិកតា និងស្រូវវស្សាដើមរដូវ ចំនួន ១.៥០០ ហិកតា ៕

ដោយ៖ សុវណ្ណារ៉ា