ក្លិបមាន់ខ្នាយមាស Tottenham បានអំពាវនាវឱ្យក្រុមហ៊ុនប្រព័ន្ធផ្សព្វផ្សាយសង្គមចាត់វិធានការបន្ទាប់ពីខ្សែប្រយុទ្ធកូរ៉េខាងត្បូងSon Heung-min ត្រូវបានទទួលរងនូវការរំលោភបំពានការរើសអើងជាតិសាសន៍តាមអ៊ីនធើណេត។ ការរំលោភបំពាននេះបានកើតឡើងក្នុងអំឡុងពេលជ័យជម្នះ ២–០ នៅPremier League កាលពីថ្ងៃអាទិត្យលើក្រុម West Ham អំឡុងពេលដែលកីឡាករបម្រុង Son បានស៊ុតបញ្ចូលទីគ្រាប់ទី២ឲ្យ Spurs ។
ក្លិប Tottenham បានបង្ហោះនៅលើ Twitter ថា ពួកគេបានរាយការណ៍ពីការរំលោភបំពានលើ Son។ សារបង្ហោះរបស់ក្លិបនេះបន្តថា “យើងឈរជាមួយ Sonny ហើយម្តងទៀតអំពាវនាវឱ្យក្រុមហ៊ុនប្រព័ន្ធផ្សព្វផ្សាយសង្គម និងអាជ្ញាធរចាត់វិធានការ។ យើងត្រូវបានគេធ្វើឱ្យដឹងអំពីការរំលោភបំពានការរើសអើងជាតិសាសន៍តាមអ៊ីនធើណេតដែលមាន Heung-Min Son ក្នុងអំឡុងពេលការប្រកួតដែលត្រូវបានរាយការណ៍ដោយក្លិប” ។

 ក្រុមប្រឆាំងការរើសអើងជាតិសាសន៍ Kick It Out បាននិយាយថា ខ្លួនមានការខ្ពើមរអើមក្នុងការឮអំពីការរំលោភបំពានការរើសអើងជាតិសាសន៍ដែលសំដៅទៅលើ Son ត្រឹមតែប៉ុន្មានថ្ងៃបន្ទាប់ពីបានទាមទារឱ្យមានកំណែទម្រង់ដ៏មានអត្ថន័យបន្ទាប់ពីខ្សែប្រយុទ្ធរបស់ Brentford កីឡាករ Ivan Toney ត្រូវបានទទួលរងនូវការរំលោភលើពូជសាសន៍នៅលើ Instagram ផងដែរ។

 Kick It Out បានប្រកាសនៅក្នុងសេចក្តីថ្លែងការណ៍មួយថា “ទាំងពីរត្រូវបានគេកំណត់គោលដៅកាលពីអតីតកាល។ វាត្រូវចំណាយពេលយូរក្រុមហ៊ុនប្រព័ន្ធផ្សព្វផ្សាយសង្គមដើម្បីចាត់វិធានការ ឬរដ្ឋាភិបាលដើម្បីអនុម័តសារសុវត្ថិភាពអនឡាញ អ្នកលេងកាន់តែច្រើននឹងត្រូវបានរំលោភបំពាន” ។

 សេចក្តីថ្លែងការណ៍បន្តថា “តើអ្នកលេងគ្រាន់តែរំពឹងថា នឹងទទួលយកការរំលោភបំពាន ខណៈដែលយើងរង់ចាំកំណែទម្រង់មែនទេ? អ្នកលេងមិនគួរក្លាយជាជនរងគ្រោះទេ ពួកគេត្រូវការការការពារប្រសើរជាងមុននៅលើប្រព័ន្ធអ៊ីនធើណេត ហើយនេះជាមូលហេតុដែលការផ្លាស់ប្តូរត្រូវតែកើតឡើងយ៉ាងឆាប់រហ័ស។ យើងនឹងបន្តធ្វើការដោយមិននឿយហត់ជាមួយដៃគូរបស់យើងនៅទូទាំងការប្រកួតដើម្បីធានាថា អ្នកដែលទទួលខុសត្រូវចំពោះការរំលោភបំពានការរើសអើងប្រឈមមុខនឹងផលវិបាកដ៏ខ្លាំងបំផុតសម្រាប់សកម្មភាពរបស់ពួកគេ”។

កីឡាករ Toney ត្រូវ បាន គេ កំណត់ គោលដៅ បន្ទាប់ ពី ការ តាម ស្មើ ដ៏ចម្រូងចម្រាស របស់ គាត់ ទល់ នឹង Arsenal ដែល គួរតែ ត្រូវ បាន ច្រានចោល ដោយ VAR សម្រាប់បាល់ Offside ជាមួយ មិត្ត រួម ក្រុម Christian Norgaard។ ខ្សែប្រយុទ្ធBrentford បានបង្ហាញកាលពីខែតុលាឆ្នាំមុនថា គាត់ត្រូវបានគេបំពានលើ Instagram បន្ទាប់ពីស៊ុតបញ្ចូលទីទាំង២គ្រាប់ក្នុងជ័យជម្នះ ២–០ លើក្រុម Brighton ។

 Meta ដែលជាក្រុមហ៊ុនមេរបស់ Instagram និង Facebook បានថ្កោលទោសការរំលោភបំពាននៅពេលនោះ ប៉ុន្តែបានអះអាងថា ខ្លួនមិនអាចចាត់វិធានការបានទេ ដោយសារសារមិនត្រូវបានរាយការណ៍នៅក្នុងកម្មវិធី។

 ប៉ូលីសបានស៊ើបអង្កេត ហើយលោក Antonio Neill អាយុ២៤ឆ្នាំរស់នៅ Blyth រដ្ឋ Northumberland បានសារភាពពីការចោទប្រកាន់ពីបទផ្ញើសារប្រមាថដល់ Toney នៅតុលាការ Newcastle Magistrates កាលពីខែមករា ៕ (រូបភាព ៖ BBC Sport)