ខ្សែបម្រើ N’Golo Kanté ខិតជិតក្នុងការផុតកុងត្រានៅក្លិបតោខៀវ Chelsea នូវការជំរុញដ៏ធំមួយដោយចុះហត្ថលេខាលើកិច្ចសន្យាថ្មីនៅពេលដែលគាត់ជិតដល់ការវិលត្រឡប់របស់ក្រុមដំបូងក្រោយពីរបួសដ៏រុំារ៉ៃ។ Chelsea បានកំពុងពិភាក្សាជាមួយKante អំពីការបន្តកិច្ចព្រមព្រៀងរបស់គាត់លើសពីរដូវកាលនេះ ហើយជឿជាក់ថា កិច្ចព្រមព្រៀងមួយគឺជិតដល់ហើយ។
Kante នឹងត្រូវផុតកុងត្រានៅចុងបញ្ចប់នៃរដូវកាលនេះ ហើយខ្សែបម្រើរូបនេះត្រូវបានផ្សារភ្ជាប់ជាមួយនឹងការផ្លាស់ទៅBarcelona និង Paris St-Germain។ ប៉ុន្តែកីឡាករដែលជួយក្រុមឈ្នះជើងឯក World Cup របស់ប្រទេសបារាំងត្រូវបានគេគិតថា នឹងតាំងទីលំនៅនៅទីក្រុងឡុង ហើយមើលទៅមានឆន្ទៈស្នាក់នៅ Chelsea ជាកន្លែងដែលគាត់បានឈ្នះគ្រប់ពានរង្វាន់ដែលមានក្រៅពី League Cup ។
ការរក្សា Kante នឹងក្លាយជាការជំរុញដ៏ធំដល់ Chelsea ដែលបានបន្តកិច្ចសន្យារបស់ខ្សែការពារ Thiago Silva លើសពីចុងបញ្ចប់នៃរដូវកាលនេះ។ Kante បានកម្តៅសាច់ដុំជាមួយនឹងក្រុមដំបូងកាលពីព្រឹកថ្ងៃអង្គារ ខណៈដែល Chelsea បានចាប់ផ្តើមការត្រៀមលក្ខណៈរបស់ពួកគេសម្រាប់ការប្រកួតនៅទីក្រុងឡុងកាលពីថ្ងៃអាទិត្យជាមួយនឹងក្រុម Tottenham Hotspur ។
Kante មិនបានចូលរួមក្នុងវគ្គពេញក្រុមទេ ប៉ុន្តែកីឡាករវ័យ៣១ឆ្នាំរូបនេះ ជិតត្រលប់មកហ្វឹកហាត់ជាក្រុមដំបូងវិញហើយ។Chelsea សង្ឃឹមថា Kante នឹងអាចចូលលេងម្តងទៀតក្នុងខែមីនា ដោយបានអវត្តមានតាំងពីខែសីហា បន្ទាប់ពីទទួលការវះកាត់លើសរសៃពួររបស់គាត់។
Kanté មិនទាន់បានលេងសូម្បីតែមួយប្រកួតសម្រាប់គ្រូបង្វឹកក្រោមការដឹកនាំរបស់លោក Graham Potter ដែលបានជាប់គាំងនឹងផែនការរបស់គាត់ក្នុងការផ្តល់ឱ្យកីឡាកររបស់គាត់សម្រាក២ថ្ងៃបន្ទាប់ពីការប្រកួត Southampton ទោះបីជា Chelsea រងបរាជ័យយ៉ាងធ្ងន់ធ្ងរក៏ដោយ។
កីឡាករ César Azpilicueta បាន រង របួស កំឡុង ពេល ប្រកួត នៅ Southampton ហើយ ត្រូវ បាន គេ បញ្ជូន ទៅ មន្ទីរពេទ្យ ប៉ុន្តែ បាន ត្រឡប់ មក វិញ នៅ កន្លែង ហ្វឹកហាត់ Cobham របស់ Chelsea កាលពី ថ្ងៃ អង្គារ ។
ក្លិប Chelsea បានចេញសេចក្តីថ្លែងការណ៍មួយថា បន្ទាប់ពីរបួសប៉ះទង្គិចគ្នាក្នុងអំឡុងពេលការប្រកួតកាលពីថ្ងៃសៅរ៍ជាមួយSouthampton កីឡាករ César Azpilicueta ត្រូវបានអនុញ្ញាតឱ្យចេញពីមន្ទីរពេទ្យហើយកំពុងសម្រាកព្យាបាលនៅCobham ។
ក្រុមវេជ្ជសាស្រ្ដរបស់ក្លិបកំពុងតាមដានយ៉ាងដិតដល់នូវស្ថានភាពរបស់ César Azpilicueta ដោយចៀសវាងការប៉ះទង្គិចដើម្បីធានាសុវត្ថិភាពរបស់គាត់។ កីឡាកររូបនេះបានសង្កេតមើលការហ្វឹកហាត់កាលពីថ្ងៃអង្គារ មុនពេលគាត់ចាប់ផ្តើមធ្វើការឆ្ពោះទៅរកការវិលត្រឡប់ទៅកាន់ទីលានវិញ ៕ (រូបភាព ៖ telegraph.com)
