ភ្នំពេញៈ ស្រី្តម្នាក់បានស្លាប់នៅនឹងកន្លែងភ្លាមៗ និងមនុស្ស១៣នាក់ទៀតរងរបួសធ្ងន់ស្រាល ក្នុងនោះមានប្រុស៩នាក់ ករណីគ្រោះថ្នាក់ចរាចរណ៍ រវាងរថយន្តតូរីសបុក ម៉ូតូរឺម៉កកង់បី កាលពីវេលាម៉ោង២២និង៥០នាទី ថ្ងៃទី១២ ខែមិថុនា ឆ្នាំ២០១៦នៅលើកំណាត់ផ្លូវសហពន្ធ័រុស្សី ស្ថិតក្នុងភូមិព្រៃជីសាក់ សង្កាត់ចោមចៅ ខណ្ឌពោធិសែនជ័យ ភ្នំពេញ ។
សមត្ថកិច្ចបានអោយដឹងថាៈ ជនរងគ្រោះទាំងអស់មិនទាន់ស្គាល់អត្តសញ្ញាណនៅឡើយទេ
ហើយមុនពេលកើតហេតុគេបានឃើញរថយន្តនិងម៉ូតូបើកស្របទិសគ្នាពីកើតទៅលិច
លុះមកដល់ចំនុចកើតហេតុរថយន្ត
សាំងយ៉ុងដែលពាក់ស្លាកលេខកំពង់ចាម2A-3723ពណ៌ស្លែបានបុកម៉ូតូកង់បីពីក្រោយពេញទំហឹងតែម្តង។
បច្ចប្បន្នអ្នករងរបួសទាំងអស់ត្រូវបានបញ្ជូនទៅសង្គ្រោះនៅមន្ទីរពេទ្យលោកសង្ឃនិង គ្លីនិកគឹមសុង។
ចំណែកអ្នកស្លាប់ប្រគល់អោយសាច់ញាតិមកទទួលយកទៅធ្វើបុណ្យ ចំណែករថយន្តនិងម៉ូតូកង់បីយកទៅរក្សាទុកនៅការិយាល័យចរាចររាជធានី៕
ដោយ សុខ ខេមរា
