ខ្សែប្រយុទ្ធអន្តរជាតិព័រទុយហ្គាល់ Cristiano Ronaldo បាននិយាយប្រាប់ទស្សនា វដី្តអុីតាលី Undici ថាក្នុងចំណោមកីឡា ករល្អរបស់ពិភពលោក គាត់គឺជាកីឡាករល្អ ជាងគេបំផុតនៅក្នុងរយៈពេល២០ឆ្នាំចុងក្រោយនេះ ។

នេះមិនមានអ្វីភ្ញាក់ផ្អើលខ្លាំងនោះទេពេលកីឡាករ Ronaldo និយាយបែបនេះ ដោយសារមានតែកីឡាករពីររូបប៉ុណ្ណោះដែលត្រូវគេចាត់ទុកថា ជាកីឡាករកំពូល របស់ពិភពលោកគឺRonaldo និង Lionel Messi ។

អតីតកីឡាករបស់ក្លិបបិសាចក្រហម Cristiano Ronaldo ធ្លាប់បានឈ្នះពានង្វាន់ កីឡាករល្អបំផុតរបស់ពិភពលោក (Ballon d’Or) ចំនួន៣សម័យ តែកីឡាករ Lionel Messi ឈ្នះ៥ដង ។

ខ្សែប្រយុទ្ធវ័យ៣១ឆ្នាំរូបនេះថ្លែងថា “តើខ្ញុំអាចកំណត់លំដាប់ថ្នាក់ខ្លួនខ្ញុំរបៀបណា? តាមការគិតវិជ្ជមានរបស់ខ្ញុំ គឺខ្ញុំជឿជាក់លើអ្វីដែលខ្ញុំសម្រេចបាន ហេតុដូច នេះខ្ញុំជាកីឡាករល្អបំផុតក្នុងចំណោម កីឡាករល្អជាច្រើនរបស់ពិភពលោក ។ ខ្ញុំបានខិតខំហ្វឹកហាត់ខ្លាំងណាស់ទម្រាំតែអាចឈានមកដល់កម្រិតកំពូលបែបនេះ។ ខ្ញុំនឹងរក្សាទម្រង់លេងបែបនេះនិងលះបង់ អស់ពីកម្លាំងកាយចិត្តរាល់ពេលហ្វឹកហាត់និងការប្រកួត” ៕

ដោយ៖ ដេវីត