ខេត្តសៀមរាប៖ គ្រាប់យុទ្ធភ័ណ្ឌមិនទាន់ផ្ទុះដែលបងប្អូនប្រជាពលរដ្ឋបានប្រទះឃើញនៅលើដីដាំដំឡូងរបស់គាត់ជាប្រភេទ B40កន្លះ ចំនួន២០គ្រាប់ត្រូវបានកម្លាំងនគរបាលប៉ុស្តិ៍រដ្ឋបាលខ្វាវចុះទៅប្រមូលយកមករក្សាទុករង់ចាំធ្វើការប្រគល់ជូនកម្លាំងការិយាល័យនគរបាលអាវុធជាតិផ្ទុះនៃស្នងការដ្ឋាននគរបាលខេត្តសៀមរាប។
ជាក់ស្តែងនៅថ្ងៃទី១៣ ខែមិថុនា ឆ្នាំ២០១៦ នៅអធិការដ្ឋាននគរបាលស្រុកជីក្រែង បានប្រគល់គ្រាប់យុទ្ធភ័ណ្ឌមិនទាន់ផ្ទុះជាប្រភេទ B40កន្លះ ចំនួន២០គ្រាប់ ទាំងអស់នោះជូនដល់កម្លាំងការិយាល័យនគរបាលអាវុធជាតិផ្ទុះ យកមករក្សាទុកនៅកន្លែងមានសុវត្ថិភាពរង់ចាំប្រគល់បន្តជូនទៅអង្គការពាក់ព័ន្ធដើម្បីយកទៅកំទេចចោល។
តាមប្រភពពីសមត្ថកិច្ចនគរបាលខេត្តបានប្រាប់ថា មុនដំបូងមានប្រជាពលរដ្ឋបានទៅធ្វើចំការដើម្បីដាំដំឡូងខណៈពេលដែលកំពុងភ្ជួក៏ប្រទះឃើញគ្រាប់យុទ្ធភ័ណ្ឌមិនទាន់ផ្ទុះជាប្រភេទ B40កន្លះ ចំនួន២០គ្រាប់រួចរត់មករាយការណ៍ជូនកម្លាំងនគរបាលប៉ុស្តិ៍រដ្ឋបាលឃ្វាវ ចុះទៅប្រមូលយកមករក្សាទុក។
ប្រភពបន្តថា ក្រោយពីប្រមូលយកមកទុកនៅប៉ុស្តិ៍រដ្ឋបាលខ្វាវ រួចធ្វើការប្រគល់ឲ្យកម្លាំងការិយាល័យនគរបាលអាវុធជាតិផ្ទុះនៃស្នងការដ្ឋាននគរបាលខេត្តសៀមរាប។ ប្រភពបន្តទៀតថា បន្ទាប់ពីរកឃើញគ្រាប់យុទ្ធភ័ណ្ឌមិនទាន់ជាប្រភេទ B40កន្លះ ចំនួន២០គ្រាប់រួចមកកម្លាំងការិយាល័យនគរបាលអាវុធជាតិផ្ទុះនៃស្នងការដ្ឋាននគរបាលខេត្តសៀមរាប។
សូមធ្វើការផ្តាំផ្ញើរដល់បងប្អូនប្រជាពលរដ្ឋទាំងអស់ជាពិសេសមាតាបិតាត្រូវធ្វើការពន្យល់ណែនាំដល់កូនចៅរបស់ខ្លួននៅពេលឃើញគ្រាប់យុទ្ធភ័ណ្ឌគ្រប់ប្រភេទមិនត្រូវយកមកដំលេងនោះទេ ពីព្រោះវាអាចបណ្ដាលឲ្យមានការគ្រោះថ្នាក់ដល់អាយុជីវិតរបស់បងប្អូន ឬកូនចៅ ហើយត្រូវរាយការណ៍ជូនដល់អាជ្ញាធរដែនដី ឬសមត្ថកិច្ចដែលនៅជិតបងប្អូន ដើម្បីចុះត្រួតពិនិត្យ និងយកមករក្សាទុកនៅកន្លែងដែលមានសុវត្ថិភាព៕
ដោយ៖ ប៊ុន រិទ្ធី
