ក្នុងឪកាសគម្រប់ខួបលើកទី៦២ថ្ងៃចុះហត្ថលេខាលើកិច្ចព្រមព្រៀងឈប់បាញ់រវាងកូរ៉េទាំងពីរ ជើង-ត្បូង មេដឹកនាំគីមជុងអ៊ុនបានអំពាវនាដល់ពលរដ្ឋនៅទូទាំងប្រទេសតស៊ូជាមួយអាមេរិកដល់ទីបញ្ចប់ ប្រសិនបើមានសង្គ្រាមជាមួយអាមេរិកកើតឡើង។
កាលពីថ្ងៃទី២៧ខែកក្កដា កូរ៉េខាងជើងបានរៀបចំពីធីខួបគម្រប់៦២ឆ្នាំថ្ងៃចុះហត្ថលេខាលើកិច្ចព្រមព្រៀងឈប់បាញ់រវាងកូរ៉េខាងជើងនិងខាងត្បូង។ ក្នុងពេលនោះអាមេរិកបានបញ្ចូនទាហានទៅកាន់កូរ៉េខាងត្បូងក្នុងនាំជាអង្គការសហប្រជាជាតិដើម្បីប្រឆាំងនិងកូរ៉េខាងជើង។
ក្នុងឧកាសគម្រប់ខួបថ្ងៃចុះហត្ថលេខាលើកិច្ចព្រមព្រៀងឈប់បាញ់ដែលរៀបចំឡើងជារៀងរាល់ឆ្នាំ ចាត់ទុកដូចជាថ្ងៃបុណ្យឯករាជ្យកូរ៉េខាងជើង នៅគ្រប់ទិសទីទូទាំងប្រទេសបានបង្ហូតទង់ជាតិពេញទាំងអស់។ពលរដ្ឋរាប់លាននាក់បានដង្ហែក្បួនព្យុះហយាត្រា ក៏ដូចជាមានពិធីបាញ់កាំជ្រួចផ្ការភ្លើងយ៉ាងកក្រិកកក្រេង។
ពលរដ្ឋកូរ៉េខាងជើងទាំងអស់បានប្រមូលផ្តុំគ្នាស្តាប់នៅសន្តរកថារបស់មេដឹកនាំគីមជុងអ៊ុនពីសកម្មភាពស្នេហាជាតិ។ ក្នុងពិធីនោះមានការប្រគុំតន្ត្រី ច្រៀងរាំនឹងដាក់គម្រងផ្ការនៅស្តូបអ្នកបង្កើតជាតិមានរូបចម្លាក់របស់លោក គីមអ៊ីលស៊ុង និងគីមជុងអ៊ីល។ ក្នុងឪកាសនេះកូរ៉េខាងជើងបានថ្កោលទោសអាមេរិកពីសកម្មភាពចងគុំនុំជាមួយកូរ៉េខាងជើង ហើយលោកអំពាវនាវដល់ពលរដ្ឋទាំងអស់រួមចិត្តរួមគំនិតសម្រាប់សង្គ្រាមវាយប្រហារជនឈ្លានពាន់អាមេរិក។
នៅក្នុងព្រិត្តិការមួយផ្សេងទៀត រដ្ឋមន្ត្រីក្រសួងការបរទេសកូរ៉េខាងជើងលោកPak Yong Sik មានប្រសាសន៍ថា កូរ៉េខាងជើងបានត្រៀមលក្ខណតស៊ូដល់ទីបញ្ចប់ជាមួយអាមេរិក។ លោកបន្តទៀតថាកូរ៉េខាងជើងមិនទាន់ទទួលបានសន្តិភាពពេញលេញនៅឡើយចាប់តាំងពីច្បាប់ឈមបាញ់បានចុះហត្ថលេខា។ ដោយមិនទាន់មានសន្ធិសញ្ញាសន្តិភាពកូរ៉េខាងជើងនិងខាងត្បូងស្ថិតក្នុងតំណាក់កាលនៃសង្គ្រាមជានិច្ច ហើយបទឈប់បាញ់អាចត្រូវបានបំផ្លាញក្នុងពេលណាមួយជាមិនខាន។ ទាំងនោះហើយទើបកូរ៉េខាងជើងត្រូវតែត្រៀមលក្ខណទប់ទល់និងសង្គ្រាម។
ការប្រកាសរបស់មេដឹកនាំកូរ៉េខាងជើងកើតឡើងចំពេលដែលអាមេរិកអំពាវនាឲ្យប្រទេសកូរ៉េខាងជើងដើរតាមកន្លងប្រទេសអីរ៉ង ដោយបោះបង់កម្មវិធីផលិតគ្រាប់បែកបរមាណូ ដោះដូនិងការលុបចោលទណ្ឌកម្មទាំងឡាយ។ ប៉ុន្តែមេដឹកនាំកូរ៉េខាងជើងបានដឹងយ៉ាងច្បាស់ពីគម្រោងរបស់អាមេរិក។ អីរ៉ងនិងកូរ៉េខាងជើងខុសពីគ្នាស្រឡះ ដោយអីរ៉ងជាមានសន្ធិសញ្ញាសន្តិភាពពេញលេញមិនដូចកូរ៉េខាងជើងដែលស្ថិតនៅក្នុងតំណាក់កាលនៃសង្គ្រាមជានិច្ច។ កន្លងមកកូរ៉េខាងជើងក៏បានស្នើរឲ្យចុះហត្ថលេខាលើសន្ធិសញ្ញាសន្តិភាពតែអាមេរិកនិងកូរ៉េខាងត្បូងមិនព្រម។ ទាំងនោះហើយដែលកូរ៉េខាងជើងមិនអាចចរចាបោះបង់កម្មវិធីបរមាណូរបស់ខ្លួនបានឡើយ អាចរងការវាយប្រហារជាមិនខាន៕
