រាជធានីភ្នំពេញ៖ ក្រុមក្មេងស្ទាវចេញពីផឹកស៊ី ជិះម៉ូតូប្រដេញគ្នាជ្រុលចង្កូតទៅបុកនឹងរបង សាលាកសិកម្មបណ្ដាលអោយរងរបួសធ្ងន់ស្រាល៣នាក់។ ហេតុការហ៍នេះបានកើតឡើងកាលពីវេលាម៉ោង ២ នឹង ២០នាទីស្ថិតនៅលើកំណាត់ផ្លូវ បេតុងបឹងតាម៉ាត ក្នុងភូមិក្វា សង្កាត់ដង្កោ ខណ្ឌដង្កោ។

បើតាមប្រភពពត៌មានពីកន្លែងកើតហេតុបានអោយដឹងថា នៅមុនពេលកើតហេតុ គេឃើញក្រុមក្មេងស្ទាវមួយក្រុមទំនងចេញពីផឹកស៊ី បានជិះម៉ូតូចំនួន ០២ គ្រឿងមានម៉ាក ហុងដាឌ្រីម សេរី២០១៤ពាក់ស្លាកលេខ ភ្នំពេញ 1CN-8454 នឹង មួយគ្រឿងទៀតម៉ាក កុបជ្រុង បានប្រដេញគ្នាយ៉ាងលឿន នឹង ស៊ីផ្លេលឺសំលេងឡើងរំពង ពេញផ្លូវស្រាប់តែខណៈនោះដោយជិះលឿនជ្រុលដល់ផ្លូវបត់ បត់មិនទាន់ក៏ជ្រុលចង្កូតទៅបុកនឹងរបងសាលាកសិកម្មតែម្ដង។ ក្រោយពេលកើតហេតុសមត្ថកិច្ចបានចុះជួយអន្ដរាគមន៍ភ្លាម តែដោយមិនមានការប៉ះពាល់អ្វីធ្ងន់ធ្ងរនោះទេ។

សមត្ថកិច្ចបានបញ្ជាក់ថាជនរងគ្រោះទាំង ០៣ ទី ០១មានឈ្មោះ ស៊ុំ ចិត្រា(រងរបួសធ្ងន់) ជាតៃកុង ភេទប្រុស អាយុ ១៨ ឆ្នាំ មុខរបរ កម្មករសិនទ្រីស្នាក់នៅភូមិកើតហេតុ ទី ០២ ឈ្មោះ ភាច (រងរបួសធ្ងន់) អាយុ ២៦ ឆ្នាំ មុខរបរ កម្មករសិនទ្រី ស្នាក់នៅភូមិកើតហេតុ នឹងម្នាក់ទៀតមិនបានស្គាល់ពីអត្តសញ្ញាណតែរងរបួសស្រាល។ ក្រោយមកជនរងគ្រោះ ០២ នាក់ត្រូវបញ្ជូនទៅកាន់មន្ទីពេទ្យ គឹម សុង៕