ភ្នំពេញ៖ រថយន្តម៉ែកសឺដេសបេីកបុកជាមួយរថយន្តសាំយ៉ុងត្រង់ផ្លូវបំបែកជាបួនបណ្តាលឲ្យរងការខូចខាតទាំងសងខាងតែមិនមានមនុស្សរងរបួសនោះទេ។
ហេតុការណ៍នេះបានកេីតឡេីងកាលពីវេលាម៉ោង១០យប់ថ្ងៃទី១១ ខែមេសា ឆ្នាំ២០២៣ នៅចំណុចផ្លូវលេខ៩៩កែងផ្លូវលេខ៤៦៦ ស្ថិតក្នុងសង្កាត់បឹងត្របែក ខណ្ឌចំការមន។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញរថយន្តម៉ាកសាំយ៉ុងពណ៌ស ពាក់ស្លាកលេខភ្នំពេញ2O 9105 ធ្វេីដំណេីរតាមបណ្តោយផ្លូវលេខ៩៩ក្នុងទិសដៅពីត្បូងទៅជេីងខណៈមកដល់ផ្លូវបំបែកជាបួនស្រាប់តែមានរថយន្តម៉ែកសឺដេស ពណ៌ខ្មៅ ពាក់ស្លាកលេខភ្នំពេញ2BT 1888 បេីកបរដោយជនជាតិចិនធ្វេីដំណេីរតាមបណមតោយផ្លូវលេខ៤៦៦ ក្នុងទិសដៅពីលិចទៅកេីតក៏ជ្រុលបុកគ្នាពេញទំហឹងបណ្តាលឲ្យរងការខូចខាតទាំងសងខាងតែសំណាងមិនមានមនុស្សរងរបួស។
ក្រោយកេីតហេតុសមត្ថកិច្ចមូលដ្ឋានបានចុះមកដល់ចំណុចកេីតហេតុធ្វេីការសម្របសម្រួលដោយភាគីទាំងសងខាងព្រមយកទៅជួសជុលរៀងខ្លួន៕ដោយ៖សុខាសែនជ័យ
