ភ្នំពេញ៖បុរសវ័យចំណាស់ម្នាក់បេីករថយន្តកូរ៉ូលាជ្រុលបុករថយន្តព្រូសពីក្រោយបណ្តាលឱ្យរងការខូចខាតទាំងសងខាង កាលពីវេលាម៉ោង២រសៀល ថ្ងៃទី២៤ ខែមេសា ឆ្នាំ២០២៣ នៅចំណុចស្តុបតាកន តាមបណ្តោយមហាវិថីសហព័ន្ធរុស្ស៊ី ស្ថិតក្នុងភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញបុរសជនជាតិចិនម្នាក់បេីកបររថយន្តម៉ាកព្រូសពណ៌ទឹកប្រាក់ ពាក់ស្លាកលេខភ្នំពេញ2AU 1848 ធ្វេីដំណេីរតាមបណ្តោយមហាវិថីសហព័ន្ធរុស្ស៊ី ក្នុងទិសដៅពីលិចទៅកេីតខណៈមកដល់ចំណុចកេីតហេតុបន្ថយល្បឿនព្រោះស្តុបក្រហមភ្លាមនោះស្រាប់តែមានបុរសវ័យចំណាស់ម្នាក់បេីករថយន្តម៉ាកកូរ៉ូលា ពណ៌ទឹកប្រាក់ ពាក់ស្លកលេខកំពង់ស្ពឺ2A 7605 ធ្វេីដំណេីរមកពីក្រោយក៏ជ្រុលបុកពេញទំហឹងបណ្តាលឱ្យរងការខូចខាតទាំងសងខាងតែមិនមានមនុស្សរងរបួសនោះទេ។
ក្រោយកេីតហេតុសមត្ថកិច្ចចុះទៅដល់ចំណុចកេីតហេតុធ្វេីការសម្របសម្រួលដោយភាគីខាងរថយន្តកូរ៉ូលាព្រមសងថ្លៃជួសជុលចំនួន២៥០ដុល្លារដេីម្បីបញ្ចប់រឿងនៅកន្លែងកេីតហេតុ៕ដោយ៖សុខាសែនជ័យ
