ខេត្តកណ្តាល៖ បុរសម្នាក់ត្រូវបានកូនៗប្រទះឃើញដេកបែកពពុះមាត់នៅលើផ្ទះក៏ប្រញាប់ប្រញាល់ដឹកបញ្ជូន
ករណីនេះបានបង្កឲ្យមានការភ្ញាក់ផ្អើលនៅវេលាម៉ោង២និង៣០នាទីរសៀលថ្ងៃទី២០ ខែមិថុនា ឆ្នាំ២០១៦ ស្ថិតក្នុងភូមិចុងខ្សាច់ ឃុំឈើខ្មៅ ស្រុកកោះធំ ខេត្តកណ្តាល ។
សមត្ថកិច្ចនគរបាលស្រុកកោះធំបានឲ្យដឹងថា ជនរងគ្រោះឈ្មោះ អ៊ឹម ស្រ៊ិន ភេទប្រុស អាយុ៦៨ឆ្នាំ មុខរបរ កសិករ មានទីលំនៅក្នុងភូមិចុងខ្សាច់ ឃុំឈើខ្មៅ ស្រុកកោះធំ ។ ជនរងគ្រោះបែកពពុះមាត់ស្លាប់ដោយដោយសារផឹកថ្នាំបំពុលធ្វើអត្តឃាត ពុំមានជាប់ពាក់ព័ន្ធបទល្មើសអ្វីផ្សេងឡើយ ។ ។
ប្រភពបន្តថា ជនរងគ្រោះរូបនេះជាមនុស្សញៀនស្រា ផឹករហូតវង្វេងស្មារតី ។ លុះមកដល់ថ្ងៃទី២០ ខែមិថុនា ឆ្នាំ២០១៦ ជនរងគ្រោះមានសភាពស្រវឹងស្រាឡើងទៅដេកនៅលើផ្ទះម្នាក់ឯងបាត់ទៅ រហូតដល់វេលាម៉ោងកើតហេតុកូនៗឡើងទៅលើផ្ទះក៏ប្រទះឃើញជនរងគ្រោះប្រកាច់បែកពពុះមាត់នៅលើផ្ទះ ។ ភ្លាមៗនោះកូនៗបាននាំគ្នាប្រញាប់ប្រញាល់ដឹកបញ្ជូនជនរងគ្រោះទៅសង្រ្គោះនៅមន្ទីរពេទ្យប្រទេសវៀតណាម តែជាអកុសលជនរងគ្រោះបានដាច់ខ្យល់ស្លាប់នៅមន្ទីរពេទ្យ ។
កូនៗនិងក្រុមគ្រួសារបានដឹកជនរងគ្រោះត្រឡប់មកលំនៅដ្ឋានវិញនិងរាយការណ៍ប្រាប់សមត្ថកិច្ចនគរបាលមូលដ្ឋានឲ្យបានជ្រាប ។ បច្ចុប្បន្នសាកសពជនរងគ្រោះត្រូវបានក្រុមគ្រួសារសាច់ញាតិចាត់ចែងធ្វើបុណ្យតាមប្រពៃណី ៕
ដោយ៖ ស្អាងជ័យ
