នគរបាលជំនាញប្រឆាំងគ្រឿងញៀន ចុះបង្ក្រាបករណីជួញដូរគ្រឿងញៀនឃាត់ខ្លួនជនសង្ស័យបានម្នាក់និងវត្ថុតាង

ចែករំលែក៖

ខេត្តប៉ៃលិន÷យោងតាមរបាយការណ៍ ពីមន្ត្រីនគរបាលជំនាញប្រឆាំងគ្រឿងញៀនបានឲ្យដឹងថា÷នៅវេលាម៉ោង១៤ និង០០នាទី ថ្ងៃទី២៩ ខែមេសា ឆ្នាំ២០២៣ លោកវរសេនីយ៏ទោ សេង ចិន្តា នាយការិយាល័យប្រឆាំងគ្រឿងញៀន បានដឹកនាំកម្លាំងការិយាល័យចុះធ្វើការស្រាវជ្រាវ ស៊ើបអង្កេត និង បង្ក្រាបជាក់ស្តែងក្នុងករណីជួញដូរ និងប្រើប្រាស់ដោយខុសច្បាប់នូវសារធាតុញៀន នៅចំណុចចំការមួយកន្លែង នៅជិតវត្តអូរអិល ស្ថិតក្នុងភូមិអូរអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។

បើតាមប្រភពពីមន្ត្រីនគរបាលជំនាញគ្រឿងញៀនបានបន្តថា÷នៅពេលចុះបង្ក្រាបនិងស្រាវជ្រាវជាក់ស្តែងកម្លាំងយើងបានចូលទៅដល់ក៏ប្រទះឃើញជនសង្ស័យម្នាក់កំពុងអង្គុយនៅជិតរោងចំការ កម្លាំងក៏បានធ្វើការឃាត់ខ្លួនដើម្បីសាកសួរ និងឆែកឆេរលើដងខ្លួនជនសង្ស័យរកឃើញ(ម្សៅក្រាមពណ៌សថ្លាសង្ស័យថាជាម៉ាទឹកកក)ចំនួន០១កញ្ចប់ រួចក៏បន្តធ្វើការឆែកឆេររោងចាំចំការនិងបានរកឃើញថ្នាំញៀនចំនួន០៩កញ្ចប់បន្ថែមទៀត។

.ក្នុងកិច្ចប្រត្តិបត្តការខាងលើនេះកម្លាំងទទួលលទ្ធផលដូចខាងក្រោមមាន៖

១.នាំខ្លួនជនសង្ស័យម្នាក់ ដែលមាន

ឈ្មោះដូចខាងក្រោម៖

-ឈ្មោះ យឹង ចានថា ភេទប្រុស អាយុ ៣៨ឆ្នាំ រស់នៅភូមិអូរអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន(បានតេស្តទឹកនោមវិជ្ជមាន+)

២.សម្ភារៈនិងវត្ថុតាងមាន៖

-ម្សៅក្រាមសថ្លា(សង្ស័យថាជាម៉ាទឹកកកចំនួ១០កញ្ចប់)

-បារីអេឡិចត្រូនិច(វេប)ចំនួន០៧ ទឹកថ្នាំវេបចំនួន០២ដប

-គ្រាប់កាំភ្លើងអាការចំនួន១៥គ្រាប់

-ជញ្ជីងចំនួន០១

-កាំភ្លើងឆ្នៃចំនួន០២ដើម

-អំពូល០៣(សម្រាប់ជក់)

-ដែកកេះ០១និងថង់សម្រាប់វេចមួយចំនួន