ខេត្តបាតដំបង៖ គិតត្រឹមថ្ងៃទី ២២ ខែមិថុនា ឆ្នាំ ២០១៦ នេះ ការដ្ឋានស្តារឡើងវិញប្រឡាយមេលេខ ១ ស្ថិតនៅក្នុងឃុំអូរតាគី ស្រុកថ្មគោល ខេត្តបាត់ដំបង

សម្រេចលទ្ធផលបានប្រមាណ ៩៥ ភាគរយ ហើយ ។

សូមរំលឹកជូនថា ប្រឡាយមេលេខ ១ ត្រូវបានក្រសួងធនធានទឹក និងឧតុនិយម បើកការដ្ឋានស្តារឡើងវិញ កាលពីដើមខែកុម្ភៈ ឆ្នាំ ២០១៦ ដោយមានទំហំការងារ៖ ស្តារប្រឡាយមេ ០១ ខ្សែ ប្រវែង ៤.១០០ ម៉ែត្រ, ស្តារប្រឡាយរង ០២ ខ្សែ សរុបប្រវែង ៥.២០០ ម៉ែត្រ និងសាងសង់សំណង់សិល្បការធំតូច សរុបចំនួន ២៨ កន្លែង ។

នៅពេលបញ្ចប់ការដ្ឋាននាពេលដ៏ខ្លីខាងមុខ ប្រឡាយមេលេខ ១ នឹងមានលទ្ធភាពផ្តល់ទឹកសម្រាប់បម្រើឱ្យការងារបង្កបង្កើនផលលើផ្ទៃដីស្រូវវស្សា ចំនួន ៣៦០ ហិកតា ស្រូវប្រាំង ចំនួន ២.១៣៦ ហិកតា និងដំណាំរួមផ្សំ ចំនួន ១០ ហិកតា ៕

ដោយ៖ សហការី