ភ្នំពេញ៖ ការប្រកួតបាល់បោះលីកកំពូលដែលរៀបចំដោយសហព័ន្ធកីឡាបាល់បោះកម្ពុជានៅរដូវកាលឆ្នាំ២០១៦នេះនឹង ដំណើរការ

ចាប់ពីថៃ្ង ទី២៥ ខែមិថុនា ឆ្នាំ ២០១៦ នៅក្នុងវិមានពហុកីឡដ្ឋានជាតិ។

លោក កៅ កាន់ណាលី អគ្គលេខាធិការ រងសហព័ន្ធកីឡាបាល់បោះកម្ពុជាបាន ឲ្យដឹងថា ការប្រកួតបាល់បោះលីកកំពូល រដូវកាលថ្មីមានក្រុមបានចុះឈ្មោះចូលរួមប្រកួតជាផ្លូវការចំនួន៩ក្រុម ដូចជាក្រុម បាល់បោះបាយ័នអ៊ែរ ក្រុម MSGM ក្រុមអ៊ិកស្រាចបហ្វៃធឺ ក្រុមដាវីសអូផែន ក្រុម Blue Smart ត្រាហ្គោនក្រុមភ្នំពេញ Ballers ក្រុមមេគង្គថៃហ្គឺ ក្រុមCCP WARRIORS ។

លោកបន្តទៀតថា ការចុះឈ្មោះសុំសិទ្ធិប្រកួតសហព័ន្ធទទួលបានក្រុមចំនួន៥រួចហើយ រីឯ៤ក្រុមទៀតគឺមិនទាន់មកបំពេញបែបបទសុំសិទ្ធិចូលរួមប្រកួតនោះទេហើយពាក្យសុំសិទ្ធិចូលរួមប្រកួតនិងត្រូវបិទបញ្ចប់នៅថៃ្ងទី២៣ខែមិថុនានេះដែលជាថៃ្ងប្រជុំចាប់ពូលប្រកួត។

លោកបន្តទៀតថា សម្រាប់រូបមន្តប្រកួតលីកឆ្នាំនេះរៀបចំតាមរូបមន្តវិលជុំដដែល ។ បើការប្រកួតនេះមានក្រុមចូលរួមប្រកួត រហូតដល់ទៅ១០ក្រុមនោះគឺត្រូវដំណើរ ប្រកួតរយៈពេល២១សប្តាហ៍រៀងរាល់ថៃ្ង សៅរ៍ និងថ្ងៃអាទិត្យ ដោយក្រុមនីមួយៗត្រូវជួបគ្នាចំនួន៩ប្រកួតសម្រាប់វគ្គវិលជុំ ប៉ុន្តែបើការប្រកួតនេះមានតែ៩ក្រុមគឺក្រុមនីមួយៗជួបគ្នាចំនួន៨ប្រកួតប៉ុណ្ណោះ ។ការប្រកួតបាល់បោះលីកកំពូលឆ្នាំនេះ គឺមានក្រុមហ៊ុនស្រាបៀរអង្គរជាម្ចាស់ឧបត្ថម្ភធំនៅក្នុងរដូវកាលឆ្នាំ២០១៦នេះ ។

លោក កែ កាន់ណាលី បានបញ្ជាក់ថា ចំពោះក្រុមជាប់ចំណាត់ថ្នាក់លេខ១នឹងទទួល បាននូវប្រាក់រង្វាន់ចំនួន៣.០០០ដុល្លារ អមជាមួយមេដាយមាស ម្នាក់១គ្រឿង។ ចំណាត់ថ្នាក់លេខ២ទទួលបានប្រាក់រង្វាន់ចំនួន២.០០០ដុល្លាអមជាមួយមេដាយប្រាក់ម្នាក់១គ្រឿង ។ ចំណាត់ថ្នាក់លេខ៣ ទទួលបានប្រាក់រង្វាន់១.០០០ដុល្លាអមនឹងមេដាយសំរឹទ្ធិ។សម្រាប់លីករដូវកាលថ្មី ឆ្នាំ២០១៦នេះ ដំណើរការប្រកួតចាប់ពីថៃ្ង ទី២៥ ខែ មិថុនា ឆ្នាំ២០១៦ និងបញ្ចប់ការ ប្រកួតនៅថៃ្ង ទី២៤ ខែកញ្ញា ឆ្នាំ២០១៦។

សូមបញ្ជាក់ថា ការប្រកួតបាល់បោះលីករដូវកាលឆ្នាំ២០១៥ ក្រុមដែលគ្រង់តំណែង ជើងឯកគឺក្រុមមេគង្គថៃហ្គឺនិងក្រុមជើង ឯករង គឺក្រុមអ៊ិកស្រាចបហ្វៃធឺ៕

ដោយ៖ សារីម​