ភ្នំពេញ៖ មានការភ្ញាក់ផ្អើលជាយប់ទី២ហើយខណៈបុរសមួយក្រុមមានគ្នា៤នាក់ជិះម៉ូតូ២គ្រឿងបានមកបាញ់បោះសេរីចំនួន៧គ្រាប់បង្កឲ្យមានការភ្ញាក់ផ្អើលកាលពីវេលាម៉ោង៧និង៣៥នាទីយប់ថ្ងៃទី២៨ ខែកក្កដា ក្នុងព្រៃឬស្សី តាមផ្លូវរទេះគោ ភូមិស្វាយ សង្កាត់ស្នោ ខណ្ឌពោធិ៍សែនជ័យ ។
សាក្សីជានាក់ចំការក្បែនោះសុំមិនបញ្ចេញឈ្មោះបានឲ្យដឹងថា មុនពេលកើតហេតុគាត់បានមកដេកចាំចំការក្នុងព្រៃឬស្សីក្បែរកន្លែងកើតហេតុស្រាប់តែឃើញមានម៉ូតូ២គ្រឿងមួយគ្រឿងម៉ាកហុងដាឌ្រីម ពណ៌ខ្មៅ ស៊េរី២០១៣ និងម៉ាកស្កុកពី ពណ៌ស មិនចំាស្លាកលេខ មានគ្នា៤នាក់បានជិះម៉ូតូចូលមកក្នុងព្រៃឬស្សីដែលជាកន្លែងស្ងាត់ ហើយក្រុមទាំងនោះបានដកកាំភ្លើងបាញ់ឃើញចំនួន៧គ្រាប់រួចក៏បាននាំគ្នាជិះម៉ូតូចេញទៅបាត់អស់ ធ្វើអោយរួបគាត់មានការតក់ស្លុតនិងភ័យស្លន់ស្លោយ៉ាងខ្លាំង។
សាក្សីដដែលបានបន្តថា បន្ទាប់ពីមានស្នូរផ្ទុះអាវុធរួចរួបគាត់បានរាយការណ៍ទៅ សមត្ថកិច្ចមួលដ្ឋានភ្លាមដើម្បីចុះអន្តរាគមន៍។
ក្រោយមកទើបសមត្ថកិច្ចមូលដ្ឋានបានចុះមកដល់ចំណុចកើតហេតុតែបានត្រឹមតែមករកសំបកគ្រាប់តែប៉ុណ្ណោះព្រោះក្រុមជនបង្កបាននាំគ្នាចេញទៅអស់ ដោយបន្សល់ទុកសំបកគ្រាប់នៅកន្លែងកើតហេតុ។
គួរបញ្ជាក់ថា នៅក្នុងភូមិសាស្រ្តទឹកដីខណ្ឌពោធិ៍សែនជ័យករណីជនមិនស្គាល់បានបាញ់បោះសេរីបែបនេះបានកើតឡើង២យប់ផ្ទួនៗគ្នាហើយ តែមិនមានសមត្ថកិច្ចណាម្នាក់អាចចាប់ជនបង្ករយកមកផ្តន់ទាទោសបានទេ ។ទាក់ទង់និងករណីជនមិនស្គាល់មុខបានមកបាញ់បោះសេរីបង្ករអោយមានការភ្ញាក់ផ្អើលខាងលើនេះ មិនបណ្តាលអោយមនុស្សណាម្នាក់រងរបួសនោះទេ៕សុខា សែនជ័យ
