ខេត្តប៉ៃលិន÷យុវជនម្នាក់ត្រូវបានសមត្ថកិច្ចនគរបាលនៃអធិការស្រុកសាលាក្រៅឃាត់ខ្លួនតាមដីការ រួចបញ្ជូនទៅពន្ធនាគារខេត្ត ដោយករណីពីបទជួញដូរសារធាតុញៀន នៅវេលាម៉ោង១៦និង១០នាទី ថ្ងៃទី២០ខែ០៥ឆ្នាំ២០២៣ កម្លាំងផែនការងារប្រឆាំងគ្រឿងញៀន នៃអធិការនគរបាលស្រុកសាលាក្រៅ បានអនុវត្តដីកាបង្គាប់ឲ្យឃុំខ្លួនបណ្ដោះអាសន្ន របស់សាលាដំបូងខេត្តប៉ៃលិន ចេញដោយលោក គឹម ម៉េង ចៅក្រមស៊ើបសួរ នៃសាលាដំបូងខេត្តប៉ៃលិន លេខ:២៤៦
ព្រទ/២៣ ចុះថ្ងៃទី២០ខែ០៥ឆ្នាំ២០២៣ ពីបទជួញដូរដោយខុសច្បាប់នូវសារធាតុញៀន ប្រព្រឹត្តកាលពីថ្ងៃទី១៧ខែ០៥
ឆ្នាំ២០២៣ នៅភូមិអូររអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។ជនត្រូវចោទមានឈ្មោះដូចខាងក្រោម៖
១-ឈ្មោះ សុក វៈ ភេទប្រុស អាយុ១៩ឆ្នាំ រស់នៅភូមិអូរច្រាកណ្តាល សង្កាត់ទួលល្វា ក្រុងប៉ៃលិន ខេត្តប៉ៃលិន។
បច្ចុប្បន្ន៖ ជនត្រូវចោទខាងលើត្រូវបានបញ្ជូនទៅពន្ធនាគារ ខេត្តប៉ៃលិន ។
ដោយ,ស សារ៉េត
