សេចក្តីថ្លែងការណ៍របស់ក្លិបបានប្រកាសថា គ្រូបង្វឹក PSV Eindhoven លោក Ruud van Nistelrooy បានចាកចេញពីក្លិបមុនការប្រកួតចុងក្រោយនៃរដូវកាលនេះ ដោយសារតែកង្វះការគាំទ្រនៅក្នុងក្លិប។

លោក Van Nistelrooy បានដឹកនាំក្រុមឈ្នះពាន Dutch Cup និង Dutch Super Cup បន្ទាប់ពីបានចូលកាន់តំណែងកាលពីខែមីនា ឆ្នាំ២០២២។

 ក្លិប PSV បានប្រកាសថា ការពិភាក្សាអំពីអនាគតរបស់គាត់ត្រូវបានកំណត់សម្រាប់ថ្ងៃអាទិត្យ ប៉ុន្តែបុរសវ័យ៤៦ឆ្នាំរូបនេះបានលាលែងពីតំណែងជាបន្តបន្ទាប់។

 ក្លិប ដែល ស្ថិត នៅ លំដាប់ ទី ២ ក្នុង លីកកំពូលហុល្លង់ Eredivisie បានអះអាង ថា ពួកគេសោក ស្តាយចំពោះការ សម្រេច ចិត្តរបស់ គាត់។ PSV មាន១០ពិន្ទុតាមពីក្រោយក្រុម Feyenoord និង៣ពិន្ទុនាំមុខក្រុមចំណាត់ថ្នាក់លេខ៣ Ajax ។

 ក្លិបត្រូវជៀសវាងការចាញ់ក្រោមស្នាដៃក្រុម AZ Alkmaar នៅចុងសប្តាហ៍នេះដើម្បីទទួលបានកៅអីមួយក្នុងវគ្គជម្រុះChampions League រដូវកាលក្រោយ។

 ក្លិបបានបញ្ជាក់ថា “Van Nistelrooy បានប្រាប់ក្រុមជម្រើសដំបូង និងបុគ្គលិកគ្រូបង្វឹកថាគាត់នឹងលាលែងពីដំណែងដោយមានប្រសិទ្ធិភាពភ្លាមៗ ដោយសារតែខ្វះការគាំទ្រនៅក្នុងក្លិប”។

 PSV សោកស្តាយចំពោះការសម្រេចចិត្តរបស់គាត់ ហើយអរគុណគាត់សម្រាប់ការឈ្នះពានរង្វាន់ Johan Cruijff Shield និងDutch Cup ហើយសង្ឃឹមថា នឹងបញ្ចប់រដូវកាលនេះក្នុងចំណាត់ថ្នាក់លេខ២ ។ ជំនួយការគ្រូបង្វឹកលោក Fred Rutten នឹងចូលកាន់តំណែងជាបណ្ដោះអាសន្ន ៕ (រូបភាព ៖ BBC Sport)