ភ្នំពេញ៖ សប្តាហ៍ដំបូងបង្អស់ស្តីពីអាហារដ្ឋានអាមេរិកនៅកម្ពុជានឹងត្រូវប្រារព្ធឡើងពីថ្ងៃទី ២៧ ខែមិថុនាដល់ថ្ងៃទី ៤ ខែកក្កដា ដែល

អាមេរិកបានធ្វើជាដៃគូជាមួយអាហារដ្ឋានចំនួន ២០ ដែលត្រូវបានជ្រើសរើសមកដើម្បីនាំមកនូវម្ហូបអាហារផ្សេងៗរបស់អាមេរិកដល់សាធារណជនកម្ពុជា។

នៅក្នុងអំឡុងពេលនៃសប្តាហ៍អាហារដ្ឋាននេះ អាហារដ្ឋានដែលចូលរួមនៅក្នុងរាជធានីភ្នំពេញនឹងផ្តល់ការបញ្ចុះតំលៃពិសេសៗជាច្រើន។ ភ្ញៀវដែលមកបរិភោគក្នុងអាហារដ្ឋានទាំងនេះអាចទិញម្ហូបអាហារផ្សេងៗដែលគេបានយកមកពីទូទាំងសហរដ្ឋអាមេរិកដែលមានដូចជា Hamburger តាមប្រពៃណីការ៉េមកីស៊ុប Gumbo ម្ហូបរបស់អ្នកស្រុកនៅរដ្ឋ Hawaii ម្ហូបពិសេសរបស់អាមេរិកតាមបែបជនជាតិម៉ិកសិកនិងបន្ទះសាច់អាំងឬចៀនប្រកបដោយឱជារសរបស់អាមេរិក។

ជាការឆ្លើយតបនឹងការអភិវឌ្ឍន៍ដ៏ឆាប់រហ័សនៃសេដ្ឋកិច្ចរបស់ប្រទេសកម្ពុជា អ្នកវិនិយោគនិងក្រុមហ៊ុនអាមេរិកក្នុងចំនួនកាន់តែច្រើនឡើងបានមកប្រកបមុខជំនួញនៅកម្ពុជា។ ដោយឡែកឧស្សាហកម្មផ្នែកបដិសណ្ឋារកិច្ចនិងម្ហូបអាហារមានកំណើនកាន់តែច្រើនឡើងដោយសារមានកំណើននៃតំរូវការរបស់មនុស្សក្នុងស្រុកក៏ដូចជាអ្នកទេសចរ។ ក្រុមហ៊ុនអាមេរិកចង់មកបំរើប្រជាជនកម្ពុជាដែលមានចំណូលចិត្តកាន់តែច្រើនឡើងលើសេវានិងម្ហូបអាហាររបស់អាមេរិក។

ផ្នែកសារព័ត៌មានដែលមានការចាប់អារម្មណ៍ចង់បានព័ត៌មានបន្ថែមទៀតអាចទាក់ទងមកផ្នែកកិច្ចការសាធារណៈរបស់ស្ថានទូតអាមេរិកតាមអ៊ីម៉េល[email protected] ៕