ភ្នំពេញ៖ ក្រសួងសាធារណការ និងដឹកជញ្ជូន នៅថ្ងៃសៅរ៍ទី១០ ខែមិថុនា ឆ្នាំ២០២៣នេះ បានឱ្យដឹងថា ហេតុអ្វីអ្នកបើកបរចាំបាច់ត្រូវការយល់ដឹងពី ” ការប្រើភ្លើងសញ្ញាបត់ ” ?
ក្រសួងសាធារណការ បានបញ្ជាក់ថា ការប្រើភ្លើងសញ្ញបត់ (Use of Turn Signal) មានដូចខាងក្រោម៖
-ត្រូវប្រើភ្លើងសញ្ញាបត់ឱ្យបានត្រឹមត្រូវ
-ត្រូវប្រើភ្លើងសញ្ញាបត់នៅពេលត្រូវការបត់ និងត្រូវប្រើភ្លើងសញ្ញាបត់ឱ្យសមស្របតាមពេលវេលា យ៉ាងតិច
៥ វិនាទី(កុំឆាប់ពេក)
-ត្រូវបិទភ្លើងសញ្ញាបត់នៅពេលបត់រួច ឬប្តូរគន្លងរួច។
ដូច្នេះសូមស្វែងយល់ពីច្បាប់ចរាចរណ៍ផ្លូវគោក ដើម្បីជាការចូលរួមចំណែកកាត់បន្ថយការកកស្ទះចរាចរណ៍ និងជួយទប់ស្កាត់គ្រោះថ្នាក់ចៃដន្យ។
ជាមួយគ្នានេះ ក្រសួងសាធារណការ និងដឹកជញ្ជូន បានឱ្យដឹងដែរថា៖ ប្រសិនអ្នកបើកបរជួបស្ថានភាពដូចក្នុងរូបខាងក្រោម តើត្រូវផ្តល់សិទ្ធិឱ្យរថយន្តណាទៅមុន?
បន្ថែមពីនេះ ក្រសួង ក៏បានបញ្ជាក់ដែរថា ដើម្បីទទួលបានព័ត៌មានបន្ថែម សូមតាមដានការចុះផ្សាយប្រចាំថ្ងៃ នៅលើហ្វេសប៊ុកក្រសួងស្វែងយល់ពីច្បាប់ចរាចរណ៍ផ្លូវគោក ដើម្បីជាការចូលរួមចំណែកកាត់បន្ថយការកកស្ទះចរាចរណ៍ និងជួយទប់ស្កាត់គ្រោះថ្នាក់ចៃដន្យ៕
ដោយ៖សហការី
