តាមទីភ្នាក់ងារព័ត៌មាន AFP បានប្រកាសឲ្យដឹងថា តាមតួលេខរបស់រដ្ឋាភិបាលឥណ្ឌាដែលទើបតែប្រកាសនាពេល
តាមអង្គការស្រាវជ្រាវដែលមានឈ្មោះថា «ហេតុការណ៍ស្លាប់ដោយធ្វើអត្ដឃាតនិងគ្រោះថ្នាក់របស់ក្រសួងស៊ើប អង្កេតអំពូអ្នកទោសជាតិ (NCRB )» បង្ហាញឲ្យឃើញថា ការធ្វើអត្ដឃាតមានការកើនឡើងខ្ពស់ ក្នុងនោះប្រជាជនដែលរស់នៅក្នុងរដ្ឋ Maharashtra , Karnataka និង Andhra Pradesh ដែលមានអ្នកធ្វើអត្ដឃាតច្រើនជាងគេបំផុត។
ប្រជាពលរដ្ឋដែលរស់នៅតាមបណ្ដារដ្ឋភាគខាងលិចនិងភាគខាងត្បូងមានជីវភាពរស់នៅកាន់តែយ៉ាប់យ៉ឺន ធ្វើឲ្យពួកគេជំពាក់បំណុលកាន់តែច្រើនឡើងៗ ក្រោយពេលផលដំណាំស្រែចំការខូចខាតមិនអាចប្រមូលផលបាន ។ គ្រោះរាំងស្ងួតក្នុងប្រវត្ដិសាស្ដ្ររយៈពេល៣៧ឆ្នាំធ្វើឲ្យស្រែចំការហួតហែងមិនអាចប្រកបរបរស្រែចំការបាន ហើយពលរដ្ឋ ភាគច្រើនអាស្រ័យទៅនឹងផលដំណាំដើម្បីចិញ្ចឹមជីវិត ។
ទោះបីសេដ្ឋកិច្ចនៅតាមទីក្រុងមានការអភិវឌ្ឍរីកចម្រើន ប៉ុន្ដែពលរដ្ឋឥណ្ឌា ២នាក់ក្នុងចំណោម ៣នាក់ រស់នៅនិងធ្វើការនៅតាមជនបទដោយមានប្រាក់កម្រៃតិចតួច ។ ប្រជាកសិករឥណ្ឌា ១៥០ពាន់នាក់ធ្វើអត្ដឃាតរយៈពេល១០ឆ្នាំកន្លងមកនេះ ។
ពលរដ្ឋធ្វើអត្ដឃាតដោយប្រាក់បំណុលបានក្លាយជាប្រធានបទដ៏សំខាន់របស់ខ្សែភាពយន្ដ Bollywood ដ៏ល្បីល្បាញ មានចំណងជើងថា «Peepli Live» ។ ខ្សែភាពយន្ដនោះនិយាយអំពីប្រជាកសិករក្រីក្រ ២រូបត្រូវបាត់បង់ដីធ្លីស្រែចំការដោយប្រាក់បំណុល ដែលគ្មានសមត្ថភាពសងបានដោយសារតែគ្រោះរាំងស្ងួត ហើយមានមនុស្សម្នាក់បម្រុងធ្វើអត្ដឃាត ដើម្បីគ្រួសារទទួលបានប្រាក់សំណង ។
តាមតួលេខដែលបានស្រាវជ្រាវបង្ហាញឲ្យឃើញថា ក្នុងមួយឆ្នាំៗមានអ្នកធ្វើអត្ដឃាតរហូតដល់ ១២៧,១៥១នាក់ ក្នុងនោះមាន ១២៥,០០០នាក់ស្លាប់តាមដងផ្លូវដែលមានគ្រោះថ្នាក់។ ក្នុង១ថ្ងៃៗ ឥណ្ឌាមានអ្នកស្លាប់ប្រមាណ ៣៥០នាក់ ។
គ្រោះថ្នាក់ចរាចរបានសម្លាប់មនុស្សកើនឡើង ៣០ភាគរយ ខណៈដែលរថយន្ដដឹកជញ្ជូនកើនឡើងរហូតដល់៣០ភាគរយផងនោះ ។
តាមការស្រាវជ្រាវមួយដែលបានផ្សព្វផ្សាយនៅលើទស្សនាវដ្ដី «The Lancet » របស់អង់គ្លេសកាលពីសបា្ដហ៍មុនបង្ហាញឲ្យឃើញថា សេដ្ឋកិច្ចរីកចម្រើនក៏ជាមូលហេតុគ្រោះថ្នាក់កើនឡើងខ្ពស់ដូចជាបើកបរលឿនដោយមិនយកចិត្ដទុកដាក់លើសុវត្ថិភាពជាចម្បង ។
តាមតួក្នុងមួយឆ្នាំមានអ្នកស្លាប់ដោយការអត់ឃ្លាន ១៧៥នាក់ស្លាប់ដោយការវាយប្រហារ គ្រាប់បែក ២៦១នាក់ ស្លាប់ដោយលង់ទឹក ២៥,៩១១នាក់ ស្លាប់ដោយឆក់អគ្គិសនី ៨,៥៣៩នាក់ ស្លាប់ដោយពោះចិក ៨,០០០នាក់ ៕
ប្រែសម្រួល៖ សាធី
