ខេត្តព្រះសីហនុ៖​ យ៉ាងហោចណាស់ក៏មានមនុស្សម្នាក់ស្លាប់និង៨នាក់ទៀតរងរបួសធ្ងន់ស្រាលបន្ទាប់ពីបេីករថយន្តចុះចំណោទជ្រុលបុកគៀបជាប់ដេីមឈេីសំណាងមិនធ្លាក់ចូលជ្រុះ។
ហេតុការណ៍​នេះបានកេីតឡេីងកាលពីវេលាម៉ោង១១:៣០នាទី​ព្រឹក​ ថ្ងៃទី២៤​ ខែមិថុនា​ ឆ្នាំ២០២៣​ នៅផ្លូវបេតុងវត្តលើ ត្រង់ចំណុចចំណោទវត្តលើ ស្ថិតក្នុង​ ភូមិ២ សង្កាត់លេខ៣ ក្រុង/ខេត្តព្រះសីហនុ ។

តាមប្រភពព័ត៌មានបានឱ្យដឹងថា​ មុនពេលកេីតហេតុរថយន្ត កូរ៉េមួយគ្រឿង ម៉ាក HYUNDAI ពណ៍ខៀវ ពាក់ស្លាកលេខព្រះសីហនុ2A-1674 បើកបរដោយឈ្មោះ ហុឹម លាងហ៊តភេទប្រុស អាយុ២៧ឆ្នាំ បច្ចុប្បន្នស្នាក់នៅ ភូមិព្រែកគយ ស្រុកស្អាងខេត្តកណ្ដាល បានបេីកចុះពីលេីភ្នំ(វត្តលេី)ធ្វេីដំណេីរទិសដៅពី​ ជើង ទៅ​ ត្បូង លុះមកដល់ចំណុចកេីតហេតុខាងលេីបានចុះចំណោទក៏រ៉េចង្កូតទៅស្ដាំធ្លាក់ផ្លូវបុកដើមឈើ បណ្ដោលឱ្យរងបួសមនុស្សចំនួន០៨នាក់ ស្លាប់មនុស្សចំនួន០១នាក់ ។
ក្រោយកេីតហេតុក្រុមសង្គ្រោះ៧១១បានចុះទៅដល់កន្លែងកេីតហេតុនិងជួយគាស់កាត់យកជនរងគ្រោះចេញដឹកយកទៅមន្ទីរពេទ្យ៕ដោយ៖សុខាសែនជ័យ