កំពង់ឆ្នាំង ៖ ផ្ទះមួយធ្វើពីឈើ ដោយបាំងជញ្ជាំង និង ប្រក់ដំបូលស័ង្គសី ត្រូវអគ្គិភ័យឆេះខ្ទេចគ្មានសល់ កាលពីវេលាម៉ោងជាង៨ព្រឹក ថ្ងៃទី២៨ ខែកក្កដា ឆ្នាំ២០១៥ នៅក្នុងភូមិពន្លៃ ឃុំពន្លៃ ស្រុកបរិបូរណ៍ ខេត្តកំពង់ឆ្នាំង ។
សមត្ថកិច្ចបានអោយដឹងថា ម្ចាស់ផ្ទះរងគ្រោះឈ្មោះឈួន ណារិន និង ប្រពន្ធ ឈ្មោះសែ លីន រស់នៅក្នុងភូមិឃុំខាងលើ នៅក្នុងពេលកើតហេតុម្ចាស់ផ្ទះទាំងពីរនាក់ប្តីប្រពន្ធ នាំកូនយកមកព្យាលពាលនៅមន្ទីរពេទ្យ ។
សមត្ថកិច្ចបានអោយដឹងទៀតថា ផ្ទះខាងលើនេះមានទំហំ ៥គុណនិង៦ម៉ែត្រ ធ្វើពីឈើ ក្រាលរនាបឬស្សីប្រក់ និងបាំងជញ្ជាំងស័ង្គសី ម្ចាស់មិនអាចយកអ្វីបាននោះទេព្រោះនៅពេលកើតហេតុម្ចាស់អត់នៅ ដូចនេះទ្រព្យសម្បត្តិដែលមានឆេះអស់រលីងតែម្តង ។
សាក្សីនៅកន្លែងកើតហេតុបានអោយដឹងថា នៅមុនពេលកើតហេតុផ្ទះនេះបិទទ្វារជិតឈឹង ស្រាប់តែនៅវេលាកើតហេតុក៏ហុយផ្សែងចេញជាអណ្តាតភ្លើងឆេះយ៉ាងសន្ធោសន្ធៅមកតែម្តង។ សមត្ថកិច្ចបានអោយដឹងទៀតថា មូលហេតុដែលបណ្តាលអោយកើតមានអគ្គិភ័យនេះ គឺដោយសារទុសេរខ្សែភ្លើង ៕ ចន្ថា
