ក្លិបបិសាចក្រហម Manchester United បានយល់ព្រមលើកិច្ចព្រមព្រៀងមួយដើម្បីចុះហត្ថលេខាលើខ្សែបម្រើសញ្ជាតិអង់គ្លេសMason Mount ពី Chelsea ក្នុងកិច្ចសន្យារយៈពេល៥ឆ្នាំក្នុងតម្លៃ៥៥លានផោន បូករួមទាំងប្រាក់បន្ថែមចំនួន៥លានផោន។Mount វ័យ២៤ឆ្នាំនឹងក្លាយជាកីឡាករដំបូងរបស់លោក Erik ten Hag នៅរដូវក្តៅនេះ ខណៈដែលគាត់ចង់ពង្រឹងក្រុមរបស់គាត់បន្ទាប់ពី United ទទួលបានសិទ្ធិសម្រាប់ការប្រកួត Champions League នៅរដូវកាលក្រោយ។

 Chelsea បានចំណាយ៦០០លានផោនកាលពីរដូវកាលមុន ហើយត្រូវការលក់មុនថ្ងៃទី៣០ ខែមិថុនា ដើម្បីបន្ធូរបន្ថយការព្រួយបារម្ភផ្នែកហិរញ្ញវត្ថុ។ Chelsea បានច្រានចោលការដេញថ្លៃ៣ដងរបស់ Man Utd ប៉ុន្តែការពិភាក្សារវាងក្លិបទាំង២បានបន្តនៅសប្តាហ៍នេះដើម្បីដោះស្រាយភាពជាប់គាំង។ Chelsea មិនចង់បាត់បង់ Mount ប៉ុន្តែមិនអាចចរចាដោយជោគជ័យលើកិច្ចសន្យាថ្មីជាមួយនឹងកិច្ចសន្យារបស់គាត់ដែលនឹងផុតកំណត់នៅឆ្នាំក្រោយ។

 Mount ដែលបានស៊ុតបញ្ចូលទីបាន៣៣គ្រាប់ក្នុងការបង្ហាញខ្លួន១៩៥លើកសម្រាប់ក្រុម Chelsea ចាប់តាំងពីការបង្ហាញខ្លួនលើកដំបូងរបស់គាត់ក្នុងឆ្នាំ២០១៩ បានខកខានចុងបញ្ចប់នៃរដូវកាលក្នុងស្រុកជាមួយនឹងបញ្ហារបួស ខណៈដែលក្រុមតោខៀវបានមកចំណាត់ថ្នាក់ទី១២ដែលជាការបញ្ចប់កម្រិតទាបបំផុតរបស់ពួកគេអស់រយៈពេលជាង២៥ឆ្នាំ។

 ក្រុមបិសាចក្រហម Manchester United បានបញ្ចប់ក្នុងចំណាត់ថ្នាក់លេខ៣ក្នុងក្របខ័ណ្ឌ Premier League ហើយខណៈពេលដែលលោក Ten Hag បានផ្តល់អាទិភាពដល់ខ្សែប្រយុទ្ធថ្មីនៅរដូវក្តៅនេះ សមត្ថភាពរបស់ Mount ដើម្បីប្រតិបត្តិការក្នុងមុខតំណែងកម្រិតខ្ពស់ត្រូវបានគេយល់ថាបានធ្វើឱ្យគាត់ក្លាយជាជម្រើសដ៏គួរឱ្យទាក់ទាញសម្រាប់ក្លិប។

 Mount បានឈ្នះជួយក្រុមពានរង្វាន់ Champions League ក្នុងឆ្នាំ២០២១ជាមួយ Chelsea ហើយបានចាប់ផ្តើមអំឡុងពេលក្រុមឈ្នះ ១–០ លើក្រុម Manchester City នៅវគ្គផ្តាច់ព្រ័ត្រ។ គាត់ក៏បានជួយក្រុមឈ្នះពានរង្វាន់ FIFA Club World Cup និងUefa Super Cup ជាមួយក្រុមតោខៀវផងដែរ។ គាត់ក៏បានលេងឲ្យក្រុមអង់គ្លេសដោយបង្ហាញខ្លួនបាន៣៦ដងដោយស៊ុតបញ្ចូលទីបាន៥គ្រាប់ និងជាផ្នែកមួយនៃក្រុមរបស់លោក Gareth Southgate សម្រាប់ការប្រកួតបាល់ទាត់ពិភពលោកឆ្នាំ២០២២នៅប្រទេសកាតា ៕ (រូបភាព ៖ BBC Sport)