អតីតខ្សែប្រយុទ្ធក្រុម Liverpool លោក Robbie Fowler ត្រូវបានតែងតាំងជាគ្រូបង្វឹកនៃក្រុម Al-Qadsiah នៃលីកលំដាប់ទី២របស់ប្រទេសអារ៉ាប៊ីសាអ៊ូឌីត។ នេះបើយោងតាមសារព័ត៌មានចុះផ្សាយកាលពីថ្ងៃព្រហស្បតិ៍។

 ក្លិប Al-Qadsiah ដែលបានបញ្ចប់ក្នុងចំណាត់ថ្នាក់លេខ១១កាលពីរដូវកាលមុនបានបង្ហោះរូបភាពនៅលើ twitter ថា ខ្លួនបាននាំយក គ្រូបង្វឹកវ័យ៤៨ឆ្នាំ Fowler មកធ្វើជាអ្នកចាត់ការទូទៅរបស់ក្រុមដើម្បីបង្កើនភាពរឹងមាំ និងឆ្ពោះទៅកាន់លីកកំពូលអារ៉ាប៊ីសាអ៊ូឌីតវិញ។

 ក្លិបដែលត្រូវបានកាត់ចេញពី Pro League ក្នុងឆ្នាំ២០២០–២០២១ មិនបានផ្តល់ព័ត៌មានលម្អិតអំពីកិច្ចសន្យានោះទេ ប៉ុន្តែប្រព័ន្ធផ្សព្វផ្សាយក្នុងស្រុកបាននិយាយថា កិច្ចសន្យានឹងមានរយៈពេលមួយរដូវកាល។

 លោក Fowler ដែលបង្ហាញខ្លួនបាន២៦ដងឲ្យក្រុមជម្រើសជាតិអង់គ្លេស គឺជាខ្សែប្រយុទ្ធដ៏ល្អបំផុតម្នាក់នៅក្នុងក្របខ័ណ្ឌPremier League ដោយស៊ុតបញ្ចូលទីបាន១៨៣គ្រាប់ក្នុង៣៦៩ប្រកួតក្នុងអំឡុងពេលបង្ហាញខ្លួននៅ Liverpool។ គាត់ក៏បានលេងឱ្យក្លិបមួយចំនួនទៀតរួមមាន Leeds United និង Manchester City ។

 គាត់ មិន បាន ទទួល ជោគជ័យ ដូច ជា កីឡាករ ក្នុង អាជីព ជា គ្រូ បង្វឹក របស់ គាត់ ទេ ដោយធ្លាប់ បាន ដឹកនាំ ក្រុម Thai Muangthong United, Australian Brisbane Roar និងក្រុមនៅឥណ្ឌា East Bengal ផងដែរ ៕ (រូបភាព ៖Reueters/CNA)