ខេត្តពោធិ៍សាត់ ៖ ប្រភពរាយការណ៍ពីអ្នកភូមិក្បែរៗកន្លែងកើតហេតុ នាព្រឹកថ្ងៃអាទិត្យ ១៥កើត ខែបឋមាសាឍ ឆ្នាំថោះ ចត្វាស័ក ព.ស ២៥៦៧ ត្រូវនឹងថ្ងៃទី២ ខែកក្កដា ឆ្នាំ២០២៣ នេះថា មានការភ្ញាក់ផ្អើលមួយបានកើតឡើង ក្រោយប្រទះឃើញបុរសម្នាក់ធ្វើអត្តឃាត(ចងក)សម្លាប់ខ្លួន នៅមែកឈើ១ដើមក្បែភូមិ ។

ប្រភពព័ត៌មានឲ្យដឹងទៀតថា ហេតុការណ៍ខាងលើបានកើតឡើង ត្រង់ចំណុចដើមឈើលើទួលក្បែភូមិ ស្ថិតនៅភូមិអណ្ដូងក្រសាំង ឃុំស្នាមព្រះ ស្រុកបាកាន ខេត្តពោធិ៍សាត់ ។ ជនរងគ្រោះត្រូវបានគេស្គាល់ឈ្មោះ ឆេង ឆាយ ភេទប្រុស អាយុ ៣៤ឆ្នាំ ជនជាតិខ្មែរ បច្ចុប្បន្ន រស់នៅភូមិ.ឃុំកើតហេតុ ។

ប្រភពបញ្ជាក់ថា ករណីនេះគេឃើញសមត្ថកិច្ចស្ថាប័នជំនាញពាក់ព័ន្ធ និងអាជ្ញាធរមូលដ្ឋានសហការចុះពិនិត្យ និងស្រាវជ្រាវជុំវិញកន្លែងកើត ជនរងគ្រោះបានយកខ្សែនីឡុង ពណ៏ខៀវ ប្រវែងប្រមាណ៣ម៉ែត្រ ចងផ្ជាប់ទៅមែកឈើបណ្ដាលឲ្យស្លាប់ ជនរងគ្រោះគ្មានស្លាកស្នាមអ្វីគួរឲ្យកត់សម្គាល់នោះទេ មូលហេតុ ៖ មានជំងឺប្រចាំកាយ និងសសៃប្រសាទ សពធ្វើកំណត់ហេតុប្រគល់ទទួលជូនក្រុមគ្រួសារ ៕ ដោយៈ ប៉ឹម ពិន