ភ្នំពេញ ៖ រថយន្តមួយគ្រឿងម៉ាក Range Rover ត្រូវបានអគ្គិភ័យឆាបឆេះស្ទើតែទាំងស្រុង ខណៈជាងជួសជុលរថយន្ត ឡើងបើកសាកឡានភ្លៀវ ចង់ដឹងខូចអ្វី ពេលបើកបានប៉ុន្មានម៉ែត្រ រថយន្តផ្ទុះម៉ាសុីនឆេះយ៉ាងសន្ធោសន្ធៅតែម្តង។

ហេតុការណ៍នេះបានកើតឡើង នៅវេលាម៉ោង១១ និង៣០ នាទី ថ្ងៃទី២ ខែកក្កដា ឆ្នាំ២០២៣ ស្ថិតនៅតាមផ្លូវជាតិលេខ៦ បត់ឆ្វេងចូលកាន់ OCIC ខណ្ឌជ្រោយចង្វារ រាជធានីភ្នំពេញ។

តាមប្រភពព័ត៌មានពីជាងជួសជុលរថយន្តដែលបានបើករថយន្តកើតហេតុ បានប្រាប់អោយដឹងថា មុនពេលកើតហេតុគាត់បានបើករថយន្តរបស់ភ្ញៀវ ម៉ាក Range Rover ពណ៌ខ្មៅ គ្មានស្លាកលេខនោះទេ ដែលយកមកជួសជុល នៅយាន្តដ្ឋានរបស់កន្លែងដែលគាត់ធ្វើការ គាត់បានឡើងបើករថយន្តនោះដើម្បីចង់ដឹងថារយន្តនោះខូចអ្វី ខណៈបើកមិនមិនបានប៉ុន្មានម៉ែត្រៀងស្រាប់តែរថយន្ត ផ្ទុះម៉ាសុីន មូលហេតុដោយសារអស់ប្រេងម៉ាសុីន បង្កជាអណ្តាតភ្លើងឆាបឆេះយ៉ាងសន្ធោសន្ធៅ ដែលពេលនោះប្រជាពលរដ្ឋនៅក្បែកន្លែងកើតហេតុ បានយកបំពង់ពន្លត់អគ្គិភ័យ យកមកជួយបាញ់ពន្លត់ជាច្រើនបំពង់ នៅតែភ្លើងមិនរលត់ទៅវិញ ទើបប្រជាពលរដ្ឋបានរាយការណ៍ទៅកម្លាំងសមត្ថកិច្ចជំនាញបង្កា និង ពន្លត់អគ្គិភ័យយករថយន្តពន្លត់អគ្គិភ័យ ចេញជួយអន្តរាគមន៍។

ភ្លាមៗ កម្លាំងសមត្ថកិច្ចបង្កា និង ពន្លត់អគ្គិភ័យរបស់ ទីក្រុងជ្រោយចង្វារ បានយករថយន្តពន្លត់អគ្គិភ័យ ចំនួន២គ្រឿងមកដល់កន្លែងកើតហេតុ រួចធ្វើការបាញ់ពន្លត់ អស់ទឹកចំនួន២ឡាន ទើបអគ្គិភ័យរលត់ទៅវិញជាស្ថាពរ។ ដោយ អគ្គិភ័យបានបំផ្លាញរថយន្តស្ទើតែទាំងស្រុង តែមិនបណ្តាលឲ្យនរណាម្នាក់រងរបួសនៅក្នុងហេតុការណ៍នេះទេ ៕ដោយ ៖ រ៉ារ៉ា