ភ្នំពេញ៖ បុរសម្នាក់ទំនងជាស្រវឹងបើករថយន្តមួយគ្រឿងម៉ាក កាមរីឆ្លាមបើកក្នុងល្បឿនលឿនជ្រុលបុករថយន្ត
ហេតុការណ៍នេះបានកើតឡើងកាលពីវេលាម៉ោង៨និង៣០នាទីយប់ថ្ងៃទី២៦ ខែមិថុនា ឆ្នាំ២០១៦ នៅចំណុចមុខកន្លែងបង់លុយភ្លើងតាមបណ្តោយផ្លូវលេខ៦៨ ស្ថិតក្នុងសង្កាត់ទួលសង្កែ ខណ្ឌឬស្សីកែវ។
តាមសាក្សីនៅកន្លែងកើតហេតុបានអោយដឹងថានៅមុនពេលកើតហេតុគេឃើញរថយន្តក្រុមហ៊ុនស៊ិនទ្រីមួយគ្រឿងធ្វើដំណើរតាមបណ្តោយផ្លូវលេខ៦៨ ក្នុងទិសដៅពីលិចទៅកើត ខណះមកដល់ចំណុចកើតហេតុក៏បានឈប់ដើម្បីប្រមូលសំរាមភ្លាមនោះស្រាប់តែមានរថយន្តកាមឆ្លាមពណ៍ទឹកប្រាក់ពាក់ស្លាកលេខភ្នំពេញ2M 7514 បើកបរដោយបុរសម្នាក់ទំនងជាស្រវឹងបានបើកក្នុងល្បឿនលឿនទិសដៅពីកើតទៅលិចបានរ៉េចង្កូតទៅបុករថយន្តស៊ិនទ្រីពីមុខពេញទំហឹងបណ្តាលអោយរថយន្តឆ្លាមដាច់កង់ខាងឆ្តាំទៅមុខលែងរួច ចំណែករថយន្តស៊ិនទ្រីរងការខូចខាតបន្តិចបន្តួចតែប៉ុណ្ណោះ។
ក្រោយពេលកើតហេតុភាគីទាំងសង្ខាងបានធ្វើការសម្រួលគ្នាដោយយករថយន្តទៅជួសជុលរៀងៗខ្លួន៕
ដោយ៖ ព្រែកជ័យ
