ភ្នំពេញ៖ បុរសម្នាក់បើករថយន្ត១គ្រឿងម៉ាកបាឡែន បានរេចង្កូតជ្រុលទៅបុកចំពីមុខក្បាលនាគពុះចែកទ្រូងផ្លូវពេញទំហឹង បណ្ដាលឲ្យបាក់អស់៤កង់ កាល
...
ពីវេលាម៉ោង១រំលងអធ្រាត្រថ្ងៃទី២៧ ខែមិថុនា ឆ្នាំ២០១៦ នៅត្រង់ចំណុចផ្លូវសុធារស់ ស្ថិតក្នុងសង្កាត់ទន្លរបាសាក់ ខណ្ឌចំការមន រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេឃើញបុរសម្នាក់បានបើករថយន្ត១គ្រឿងម៉ាកកាមរីបាឡែន ពណ៌ទឹកប្រាក់ ពាក់ស្លាកលេខភ្នំពេញ2A-5254 បើកបរក្នុងទិសដៅពីជើងទៅត្បូង ខណៈមកដល់ចំណុចកើតហេតុខាងលើសង្ស័យស្រវឹងស្រាហើយអ្នកបើកបរងងុយដេកងោកមួយផាំង បានរេចង្កូតជ្រុលទៅបុកចំពីមុខក្បាលនាគពុះចែកទ្រូងផ្លូវពេញទំហឹងបណ្តាលឲ្យបាក់ក្បាលនាគអស់៤កង់ ចំណែករថយន្តខូចខាតរថយន្តមួយចំហៀងខាងមុខទៅមុខលែងរួច តែសំណាងល្អមិនមានអ្នករងរបួស។
ក្រោយពេលកើតហេតុម្ចាស់រថយន្តបង្កបានគេចខ្លួនបាត់ស្រមោល ដោយបន្សល់ទុករថយន្តឲ្យសមត្ថកិច្ចធ្វើការវាស់វែងស្ទួចយកទៅរក្សាទុកនៅការិយាល័យចរាចរណ៍រាជធានីភ្នំពេញ ដើម្បីរងចាំដោះស្រាយតាមផ្លូវច្បាប់៕
ដោយ៖ ស រស្មី
...
