ភ្នំពេញ៖ បុរសម្នាក់ជិះម៉ូតូតាមដងផ្លូវបំណងទៅផ្ទះស្រាប់តែមានជនសង្ស័យមួយក្រុមជិះម៉ូតូ២គ្រឿងប្រដាប់ដោយកាំបិតដេញកាប់បណ្តាលឱ្យរងរបួសបំណងប្លន់យកម៉ូតូតែមិនបានសម្រេចកាលពីវេលាម៉ោង១និង៣០នាទីរំលងអធ្រាត្រឈានចូលថ្ងៃទី១៤ខែកក្កដា ឆ្នាំ២០២៣ នៅចំណុចមុខវត្តភ្នៀតសិម្ពលី តាមបណ្តោយផ្លូវបេតុង ក្នុងសង្កាត់ស្នោ ខណ្ឌកំបូល។
តាមប្រភពព័ត៌មានបានឱ្យដឹងថា មុនពេលកេីតហេតុជនរងគ្រោះជិះម៉ូតូម៉ាកវ៉េវ ពណ៌ក្រហម ពាក់ស្លាកលេខសៀមរាប 1J- 7216 ធ្វេីដំណេីរតាមបណ្តោយផ្លូវបេតុងក្នុងទិសដៅពីកេីតទៅលិច ខណៈមកដល់ចំណុចកេីតហេតុស្រាប់តែមានជនសង្ស័យមួយក្រុមមានគ្នា៤នាក់ជិះម៉ូតូ២គ្រឿងប្រដាប់ដោយកាំបិតជិះមកពីក្រោយដេញកាប់បំណងប្លន់យកម៉ូតូតែមិនបានសម្រេចបណ្តាលឱ្យរងរបួស ភ្លាមៗនោះជនរងគ្រោះបានស្រែកឆោឡោឡេីងទេីបជនសង្ស័យភ័យក៏រត់គេចខ្លួនបាត់អស់ទៅ។
ក្រោយកេីតហេតុសមត្ថកិច្ចបានចុះមកដល់ចំណុចកេីតហេតុបានត្រឹមនាំជនរងគ្រោះទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលស្នោដេីម្បីកំណត់មុខសញ្ញា៕
ដោយ៖សុខាសែនជ័យ
