ខេត្តកំពង់ធំ៖ គ្រោះធម្មជាតិរន្ទះបាញ់បានឆក់យកជីវិតមនុស្សម្នាក់ និងម្នាក់ទៀតរងរបួសធ្ងន់ ខណៈកំពុងនាំគ្នាដើររកខ្យង នៅ ពេលមេឃកំពុងភ្លៀង។

ហេតុការណ៍នេះកើតឡើងនៅវេលាម៉ោងប្រមាណ១៩ និង៣០នាទី យប់ថ្ងៃទី០៣ ខែសីហា ឆ្នាំ២០២៣ ស្ថិតនៅចំណុចតាមប្រឡាយទឹកខាងកើតភូមិសណ្ដាន់ ស្រុកសណ្ដាន់ ខេត្តកំពង់ធំ។

ប្រភពពីសមត្ថកិច្ចបានឲ្យដឹងថា ជនរង គ្រោះទី១/មានឈ្មោះឡាន លីវ ភេទប្រុស អាយុ១៥ មុខរបរជាសិស្ស មានទីលំនៅភូមិដង្ហិត ឃុំសណ្ដាន់ ស្រុកសណ្ដាន់ ខេត្តកំពង់ធំ បានស្លាប់ភ្លាមៗនៅកន្លែងកើតហេតុនិងជនរងគ្រោះទី២ មានឈ្មោះ ស ឈី ភេទប្រុស អាយុ១៧ ឆ្នាំ រស់នៅភូមិឃុំជាមួយគ្នា។

បច្ចុប្បន្នសពត្រូវបានក្រុមគ្រួសារ យកធ្វើបុណ្យតាមប្រពៃណី ដោយឡែកអ្នករងរបួសធ្ងន់ បន្តយកព្យាបាលនៅមន្ទីរពេទ្យខេត្តកំពង់ធំ៕ដោយ៖សុរិយា