មេដឹកនាំកូរ៉េខាងជើងលោក គីម ជុងអ៊ុន បានធ្វើការត្រួតពិនិត្យរយៈពេលបីថ្ងៃនៅរោងចក្រផលិតអាវុធសំខាន់ៗ។ រោងចក្រផលិតអាវុធរួមមានរោងចក្រសម្រាប់ផលិតគ្រាប់រ៉ុក្កែតច្រើនទំហំធំ និងម៉ាស៊ីនសម្រាប់កាំជ្រួចអន្តរទ្វីបយុទ្ធសាស្ត្រ និងរោងចក្រសម្រាប់ផលិតយន្តហោះគ្មានមនុស្សបើក (UAVs)។

ដំណើរទស្សនកិច្ចនេះមានរយៈពេល៣ថ្ងៃ (ពីថ្ងៃទី៣ ដល់ថ្ងៃទី៥ សីហា)។ យោងតាមទីភ្នាក់ងារសារព័ត៌មានមជ្ឈិមកូរ៉េ (KCNA) នៅថ្ងៃទី 6 ខែសីហា គោលដៅនៃដំណើរត្រួតពិនិត្យរបស់លោក គីម ជុងអ៊ុន គឺដើម្បី “ស្វែងយល់ពីការសម្រេចបាននូវគោលដៅស្នូលនៃគោលនយោបាយរបស់បក្សស្តីពីឧស្សាហកម្មអាវុធ” និងកំណត់គោលដៅថ្មីដើម្បីសម្រេចបានដូចជាទំនើបកម្មអាវុធ។
“រឿងសំខាន់បំផុតនិងបន្ទាន់បំផុតក្នុងដំណើរការរៀបចំសង្រ្គាម គឺការធ្វើទំនើបកម្មអាវុធធុនតូច ដើម្បីឱ្យអង្គភាពជួរមុខនៃកងទ័ពប្រជាជនកូរ៉េ (KPA) និងអង្គភាពផ្សេងទៀតប្រើប្រាស់ … ស្របតាមស្ថានភាពសង្រ្គាមដែលបានផ្លាស់ប្តូរ” ។
លោក គីម ជុងអ៊ុន បានចេញសេចក្តីណែនាំមួយដើម្បីបង្កើនសមត្ថភាពផលិតនៅរោងចក្រ ដែលជាផ្នែកសំខាន់នៃកិច្ចខិតខំប្រឹងប្រែង ដើម្បីពង្រឹងសមត្ថភាពការពាររបស់ប្រទេស។
ក្នុងអំឡុងពេលទស្សនកិច្ចទៅកាន់រោងចក្រផលិតម៉ាស៊ីនកាំជ្រួចយុទ្ធសាស្ត្រនិងយន្តហោះគ្មានមនុស្សបើក លោក គីម ជុងអ៊ុន បានអំពាវនាវឱ្យមាន “ការកើនឡើងជាលំដាប់នៃដំណើរការម៉ាស៊ីននិងភាពជឿជាក់” និង “បើកឱ្យលឿនពង្រីកសមត្ថភាពផលិត” ។
មេដឹកនាំកូរ៉េខាងជើងបានអំពាវនាវឱ្យមានការផលិតទ្រង់ទ្រាយធំនៃម៉ាស៊ីនសព្វាវុធយុទ្ធសាស្ត្រកម្រិតខ្ពស់ដើម្បីរួមចំណែកដល់បដិវត្តន៍ក្នុងការអភិវឌ្ឍអាវុធយុទ្ធសាស្ត្រថ្មីតាមរចនាប័ទ្មនៃប្រទេសកូរ៉េខាងជើង៕ ដោយធីរីណា

រូប​ថត​:KCNA