ខេត្តត្បូងឃ្មុំ ៖ បង្ក្រាបទីតាំងផលិតបារី ESSE ក្លែងក្លាយ នៅស្រុកមេមត់  ខេត្តត្បូងឃ្មុំ ត្រូវបានលឺថា ៖ មានឧកញ៉ាម្នាក់ គំរាមសមត្ថកិច្ចពេលចុះបង្ក្រាប ខណៈវិធានច្បាប់ត្រូវអនុវត្តយ៉ាងតឹងរឹង ហើយក្រុមឈ្មួញទាំងនេះមានចេតនា ក្នុងបទល្មើសគេចពន្ធគយ បំបាត់ចំណូលពន្ធ លួចបង្កើតទីតាំងផលិតបារី ហើយអាចពាក់ព័ន្ធ អាជ្ញាធរ សមត្ថកិច្ច កន្ទេលធំ បន្លំដេក ឬមួយយ៉ាងណា ? ពីព្រោះ ការផលិតបែបនេះ បិទមិនជិតជា ក្រសែភ្នែក សមត្ថកិច្ច អាជ្ញាធរ ជំនាញមូលដ្ឋានឡើយ សិក្សាស្រាវជ្រាវឡើងវិញ ដើម្បីចូលរួមបង្ក្រាបមុខរបរល្មើសច្បាប់ បំបាត់ចំណូលពន្ធរបស់រដ្ឋ។

សូមបញ្ជាក់ថា ៖ មានសមត្ថកិច្ចបានលួចបង្ហើបឲ្យដឹងថា ប្រតិបត្តិការនេះ ធ្វើឡើងនៅថ្ងៃទី២៨ ខែសីហា ឆ្នាំ២០២៣ ដោយមានការចូលរួមពី មន្ត្រីកងរាជអាវុធហត្ថលើផ្ទៃប្រទេស, មន្ត្រីកងរាជអាវុធហត្ថខេត្ត, មន្ត្រីស្នងការដ្ឋាននគរបាលខេត្ត ដោយមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តត្បូងឃ្មុំ ជំនួសដោយលោក សូ សុវិទ្យា ព្រះរាជអាជ្ញារង អមសាលាដំបូងខេត្តត្បូងឃ្មុំ។

ប្រតិបិត្តការនេះ ! កម្លាំងគយចល័តតំបន់៦ ដឹកនាំដោយលោក ព្រាប គារ៉ាត ប្រធានការិយាល័យស្រាវជ្រាវ និងបង្ក្រាបអំពើរត់ពន្ធតំបន់៦ បានដឹកនាំកម្លាំងចុះបង្ក្រាបទីតាំងផលិតបារីក្លែងក្លាយ ម៉ាក ESSE មួយកន្លែង និងឃ្លាំងស្ដុកបារីមួយកន្លែងទៀត គ្មានច្បាប់អនុញ្ញាតនៅឃុំដា ស្រុកមេមត់ ខេត្តត្បូងឃ្មុំ ជាប់ផ្លូវចូលមាត់ច្រកទា្វរភាគីដា។

បើតាមសេចក្ដីរាយការណ៍ នៅក្នុងពេលប្រតិបត្តិការរបស់កម្លាំងសមត្ថកិច្ច មានឧកញ៉ាម្នាក់ បានទូរស័ព្ទមកគំរាមសមត្ថកិច្ច ដែលកំពុងអនុវត្តតួនាទីភារកិច្ច ប៉ុន្ដែការគំរាមតាមទូរស័ព្ទមិនមានប្រសិទ្ធភាពឡើយ ពោលកម្លាំងសមត្ថកិច្ចនៅតែបន្ដប្រតិបត្តិការ ហើយអនុវត្តវិធានការច្បាប់យ៉ាងតឹងរឹងបំផុតចំពោះសកម្មភាពខុសច្បាប់នេះ។

សូមរម្លឹកថា ៖ បើមានទីតាំងផលិតបារីក្លែងក្លាយ ម៉ាក ESSE មួយកន្លែង និងឃ្លាំងស្ដុកបារីមួយកន្លែងទៀត គ្មានច្បាប់អនុញ្ញាតនៅឃុំដា ស្រុកមេមត់ ខេត្តត្បូងឃ្មុំ ជាប់ផ្លូវចូលមាត់ច្រកទា្វរភាគីដា យ៉ាងចំហរបែបនេះ តើនរណាជាបើកភ្លើងខៀវ ហើយ ឧកញ៉ារូបនោះ អាងអី ? មេត្តាស្រាវជ្រាវ តាមនីតិវិធី លុបបំបាត់អំពើល្មើសច្បាប់ ស្វែងរកមុខ ឧកញ៉ារូបនោះ អោយឃើញ ជាមួយអ្នកពាក់ព័ន្ធ ព្រោះប្រទេសយើងគ្រប់គ្រងដោយច្បាប់ ៕

ដោយ ៖ សហការី