រដ្ឋអាជ្ញាអេស្ប៉ាញបានប្រកាសថា ពួកគេបានបើកការស៊ើបអង្កេតបឋមពីការបំពានផ្លូវភេទលើប្រធានសហព័ន្ធបាល់ទាត់អេស្ប៉ាញលោក Luis Rubiales ។

 មានការរិះគន់យ៉ាងទូលំទូលាយលើលោក Rubiales អាយុ៤៦ឆ្នាំបន្ទាប់ពីគាត់បានថើបខ្សែប្រយុទ្ធកីឡាការិនី Jenni Hermoso នៅលើបបូរមាត់បន្ទាប់ពីការឈ្នះចុងក្រោយនៃការប្រកួតបាល់ទាត់ពិភពលោកស្ត្រីរបស់អេស្ប៉ាញ។

 ការិយាល័យ រដ្ឋអាជ្ញា បានឲ្យដឹង ថា ខ្លួន បាន ចាប់ ផ្តើម ការ ស៊ើប អង្កេត ដោយ សារ តែទង្វើ ផ្លូវ ភេទ មិន ត្រូវ បាន យល់ ព្រម។លោក Rubiales ត្រូវបានផ្អាកកាលពីថ្ងៃសៅរ៍ដោយស្ថាប័នគ្រប់គ្រងបាល់ទាត់ពិភពលោក FIFA ខណៈដែលនៅថ្ងៃមុនលោកបានទទូចថា គាត់នឹងមិនលាលែងពីតំណែងទេ។

 រដ្ឋាភិបាលអេស្ប៉ាញបានស្នើសុំឱ្យតុលាការកីឡាអេស្ប៉ាញ (TAD) ព្យួររូបគាត់ ដែលជាសំណើដែលនឹងត្រូវពិភាក្សានៅក្នុងកិច្ចប្រជុំ TAD នៅថ្ងៃចន្ទ។

 សហព័ន្ធកីឡាបាល់ទាត់អេស្ប៉ាញ (RFEF) ក៏បានហៅសហព័ន្ធក្នុងតំបន់ទៅកិច្ចប្រជុំវិសាមញ្ញ និងបន្ទាន់កាលពីថ្ងៃចន្ទដើម្បីវាយតម្លៃស្ថានភាពដែលសហព័ន្ធរកឃើញដោយខ្លួនឯង។

 នៅពេលដែលត្រូវបានប្រកាសថា លោក Rubiales ព្យួរនៅថ្ងៃសៅរ៍ FIFA បានបញ្ជាឱ្យគាត់, RFEF,មន្រ្តី និងបុគ្គលិករបស់ខ្លួនមិនឱ្យព្យាយាមទាក់ទង Hermoso ដែល RFEF បានគំរាមកំហែងជាមួយនឹងសកម្មភាពផ្លូវច្បាប់នៅដើមថ្ងៃនោះ ៕ (រូបភាព ៖BBC Sport)