ក្លិបបាល់ទាត់Manchester City នៅ ក្នុងក្របខ័ណ្ឌអង់គ្លេស Premier League បានទិញខ្សែបម្រើប្រយុទ្ធអន្តរជាតិអូស្រ្តាលី Aaron Mooyពីក្រុម Melbourne City។

កីឡាករវ័យ២៥ឆ្នាំរូបនេះបានផ្ទេរមកកាន់ក្រុម Man City ដោយចុះហត្ថលេខាលើកិច្ចសន្យារយៈពេល៣ឆ្នាំ។ ប៉ុន្តែរូបគេប្រហែលជាមិនទាន់បានលេងនៅក្នុងក្រុម Man City នោះទេគឺក្លិបនេះនឹងឲ្យក្លិបនៅអង់គ្លេសដូចគ្នាខ្ចីជើងសិន ។

គួរបញ្ជាក់ថា ក្លិបMelbourne City និង Manchester City គឺស្ថិតនៅក្រោមដំបូលតែ មួយនៃក្រុមហ៊ុន City Football Group។ លោក Brian Marwood នាយកគ្រប់គ្រង ផ្នែកសេវាបាល់ទាត់របស់ក្រុមហ៊ុននេះបាន និយាយថា “Aaron Mooyជាកីឡាករដែលមានទេពកោសល្យហើយអាចនឹងអភិវឌ្ឍខ្លួនឲ្យឈានដល់កម្រិតកំពូលនៅថ្ងៃ អនាគត” ៕

ដោយ៖ ដេវីត