ខេត្តព្រះសីហនុ÷ បុរសម្នាក់បានស្លាប់នៅនឹងកន្លែងចែកម្នាក់ទៀតបានរងរបួសធ្ងន់ខណៈជួបគ្រោះថ្នាក់ចរាចរណ៍រថយន្តមិនស្គាល់ម៉ាកបើកបុកម៉ូតូពេញទំហឹងហើយអ្នកបើកបរបើករត់បាត់។

គ្រោះថ្នាក់ចរាចរណនេះបានកើតឡើងកាលពីវេលាម៉ោង០៧និង០០នាទីយប់ថ្ងៃទី០៤ខែកញ្ញាឆ្នាំ២០២៣ នៅចំណុច ផ្លូវឃ្លាំងលើ ទល់មុខរោងចក្រ new star ក្រុងព្រះសីហនុ ខេត្តព្រះសីហនុ។

ប្រភពពីកន្លែងកើតហេតុបានឲ្យដឹងថា,នៅមុនពេលកើតហេតុមាន ម៉ូតូ១គ្រឿងម៉ាកហុងដាសេ១២៥សេរីឆ្នាំ 2022 ពាក់ផ្លាកលេខ សៀមរាប 1AN-5995 បើកបរដោយបុរសជនជាតិខ្មែរនិងអ្នករួមដំណើរគ្នា១នាក់ទៀ បានជិះក្នុងទិសដៅលិចទៅកើតលុះមកដល់ចំណុចកើតហេតុស្រាប់តែមានរថយន្ត មិនស្គាល់ម៉ាក មួយគ្រឿង បើកបរចេញពីទិសដៅពីកើតទៅលិចក្នុងទិសដៅបញ្រ្ចាស់គ្នាហើយអ្នកបើករថយន្តបានបទទៅឆ្វេងមិនបានប្រយ័ត្នក៏ជ្រុលទៅម៉ូតូពេញមួយទំហឹង បណ្ដាលឱ្យបុរសម្នាក់ ស្លាប់ភ្លាម និងម្នាក់ទៀត រងរបួសធ្ងន់តែម្តង។

ប្រភពបន្តទៀតថា,ក្រោយកើតហេតុរថយន្តបង្ករបានបើកគេចខ្លួនបាត់ស្រមោលដោយឡែកជនរងគ្រោះរងរបួសធ្ងន់ត្រូវបានដឹកយកទៅសង្គ្រោះនៅមន្ទីរពេទ្យចំណែកសពសមត្ថកិច្ចបានប្រគល់ឲ្យទៅក្រុមគ្រួសារយកទៅបុណ្យតាមប្រពៃណី៕

ដោយ÷ចន្ទ លីហ្សា