ភ្នំពេញ ៖ បុរសម្នាក់បានកៀបជាប់កាប៉ិនរថយន្តត្រូវបានប្រជាពលរដ្ឋជួយគាស់និងដឹកបញ្ចូនទៅសង្គ្រោះនៅឯមន្ទីរពេទ្យភ្លាមៗ បន្ទាប់ពីបេីករថយន្តដឹកអង្ករពីកំពុងឆ្នាំងមកភ្នំពេញ សង្ស័យងងុយដេកខ្លាំបបានរេចង្កូតទៅបុករបាំងថ្មពុះចែកទ្រូងផ្លូវពេញទំហឹង កាលពីវេលាម៉ោង៤ទៀបភ្លឺ ថ្ងៃទី៥ ខែកញ្ញា ឆ្នាំ២០២៣ ស្ថិតនៅបណ្តោយផ្លូវជាតិលេខ៥ សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនកេីតហេតុនោះគេឃេីញរថយន្តម៉ាក ហុីយ៉ាន់ដាយ ពណ៌ខៀវ ពាក់ផ្លាកលេខភ្នំពេញ 3B-2545 បានធ្វេីដំណេីរតាមបណ្ដោយជាតិលេខ៥ ទិសដៅពីជេីងមកត្បូងក្នុងល្បឿនលឿន ខណៈមកដល់ចំណុចកេីតហេតុខាងលេីមិនប្រយ័ត្ន និងសង្ស័យតៃកុងងងុយដេកផងនោះ ក៏ជ្រុលចង្កូតទៅបុករបាំងថ្មពុះចែកទ្រូងផ្លូវពេញទំហឹង បណ្ដាលឱ្យរបាំងថ្មបាក់វៀចអស់៧កង់ រឯរថយន្តបង្កខ្ទេចមួយកំណាត់គៀបជាប់តៃកុងនៅក្នុងកាប៉ិនរថយន្តរងរបួសធ្ងន់ និងអង្ករខ្ទេចមកមុនធ្លាក់ពេញផ្លូវផងដែរ ។
ក្រោយកេីតហេតុភ្លាមៗ តៃកុងរថយន្តបង្កដែររបួសធ្ងន់ ត្រូវបានរថយន្តសាមុយដឹកបញ្ចូនទៅកាន់មន្ទីរពេទ្យដេីម្បីសង្គ្រោះអាយុជីវិត ។ បន្ទាប់មកសមត្ថកិច្ចមូលដ្ឋានបានចុះមកដល់ រួចធ្វេីការវាស់វែងស្ទួចយករថយន្តបង្កទៅរក្សានៅការិយាយ័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ជាបណ្ដោះអាសន្នរង់ចាំដោះស្រាយគ្នាតាមក្រោយ ៕
ដោយ ៖ ភារ៉ា ដង្កោ
